07.11.2024 | 16:45
ԵՄ 27 երկրների առաջնորդները կքննարկեն Վրաստանում հետընտրական իրավիճակը
ԽՍՀՄ-ի և նացիստական Գերմանիայի նույնականացման համար պատժի մասին օրինագիծ է ներկայացվել Պետդումա
Քաղաքականություն
28.10.2021 | 17:43
ԽՍՀՄ-ի և նացիստական Գերմանիայի նույնականացման համար պատժի մասին օրինագիծ է ներկայացվել ՌԴ Պետդումա։ Փաստաթուղթը հասանելի է խորհրդարանի ստորին պալատի տվյալների բազայում, գրում է ՌԻԱ Նովոստին։
Օրինագծի հեղինակներն են պատգամավորներ Ելենա Յամպոլսկայան, Ալեքսանդր Ժուկովը և սենատորներ Ալեքսեյ Պուշկովն ու Օլգա Կովիտիդին։
Օրինագծով առաջարկվում է Վարչական իրավախախտումների մասին օրենսգիրքը լրացնել նոր՝ 13.47 հոդվածով՝ «ԽՍՀՄ ղեկավարության, ԽՍՀՄ հրամանատարության և զինվորական անձնակազմի նպատակների, որոշումների և գործողությունների հրապարակային նույնականացման արգելքը նացիստական Գերմանիայի ղեկավարության, հրամանատարության ու զինվորականների, ինչպես նաև Երկրորդ համաշխարհային պատերազմի ժամանակ դրա առանցք հանդիսացող եվրոպական երկրի նպատակների, որոշումների և գործողությունների հետ, ինչպես նաև խոհրդային ժողովրդի վճռորոշ դերակատարության հերքումը նացիստական Գերմանիայի ջախջախման ու եվրոպական երկրների ազատագրման ժամանակ ԽՍՀՄ մարդասիրական առաքելության մասին»։
Դրան համապատասխան՝ օրինագծի հեղինակներն առաջարկել են տուգանք սահմանել՝ 1-2 հազար ռուբլու չափով կամ վարչական կալանք՝ մինչև 15 օր ժամկետով, պաշտոնյաների համար՝ 1-4 հազար ռուբլու չափով, իսկ իրավաբանական անձանց համար՝ 10-ից մինչև 50 հազար ռուբլու չափով։
Տաթև Ֆռանգյան
