30.07.2026 | 11:47
Լեհաստանը ռազմական ինքնաթիռներ է օդ բարձրացրել Ուկրաինայի վրա ռուսական զանգվածային հարձակման ֆոնին
Հոկտեմբերի 29-ից Հայաստանի կողմից տրված COVID-19 հավաստագրերն ընդունելի կլինեն ԵՄ-ում
Քաղաքականություն
28.10.2021 | 16:51
Եվրահանձնաժողովն այսօր՝ հոկտեմբերի 28-ին երկու նոր որոշում է ընդունել, որոնք հավաստում են, որ Հայաստանի և Միացյալ Թագավորության կողմից տրված COVID-19 հավաստագրերը համարժեք են ԵՄ թվային COVID-հավաստագրերին։ Այս մասին հայտնում է eureporter-ը։
Արդյունքում երկու երկրները կմիանան ԵՄ համակարգին, և նրանց կողմից թողարկված COVID-19-ի վկայագրերը կընդունվեն ԵՄ-ում նույն պայմաններով, ինչ ԵՄ թվային COVID-վկայականը։ Միևնույն ժամանակ, երկու երկրները պայմանավորվել են ընդունել ԵՄ-ի կողմից տրված թվային COVID-վկայականը՝ ԵՄ-ից իրենց երկրներ ճանապարհորդելու համար։
«Ավտանգ ճանապարհորդությունն իրականություն է ԵՄ թվային COVID-վկայագրի շնորհիվ, որն այժմ առաջատար համաշխարհային ստանդարտն է. չորս մայրցամաքների 45 երկրներ միացված են համակարգին, և շատերը կմիանան առաջիկա շաբաթներին և ամիսներին: Մենք բաց ենք այլ երկրների համար՝ միանալու մեր համակարգին։ Այսօր ընդունված երկու որոշումներն ուժի մեջ են մտնում վաղը՝ հոկտեմբերի 29-ից»,- ասել է Արդարադատության հարցերի հանձնակատար Դիդիե Ռեյնդերսը։
Նա նշել է, որ ԵՄ թվային COVID-վկայականի մասին լրացուցիչ տեղեկություններ կարելի է գտնել համապատասխան կայքում:
Տաթև Ֆռանգյան
