Սուդանի ռազմական ղեկավարությունը պաշտոններից ազատել է ցուցարարներին համերաշխություն հայտնած դիվանագետներին․ ՏԵՍԱՆՅՈՒԹ

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Սուդանում ռազմական հեղաշրջումից հետո, որի արդյունքում տապալվել է քաղաքացիական կառավարությունը, բանակային հրամանատարությունը դադարեցրել է 6 երկրներում իր դեսպանների լիազորությունները, այդ թվում՝ ԵՄ անդամ մեկ երկրում։ Այս մասին գրում է DW-ի ռուսական ծառայությունը՝ հղում կատարելով տեղական լրատվամիջոցներին։

ԵՄ-ում Սուդանի դիվանագիտական ներկայացուցչի հետ միասին պաշտոններից հեռացվել են ԱՄՆ-ում, Չինաստանում, Ֆրանսիայում և Կատարում դեսպանները, ինչպես նաև Ժնևում Սուդանի առաքելության ղեկավարը։

Նշենք, որ Սուդանի մի շարք դիվանագետներ դատապարտել են ռազմական հեղաշրջումը և համերաշխություն հայտնել ցուցարարներին, որոնք փորձում են դիմակայել զինվորականներին։

«Մենք վերահաստատում ենք մեր անսասան հանձնառությունը և լիակատար աջակցությունը Սուդանի ժողովրդի պայքարին՝ հանուն ազատության, խաղաղության և արդարության, ինչպես նաև երկրում մշտական ժողովրդավարական համակարգի ստեղծմանն անցնելու գործընթացին»,- ասված է Բելգիայում, Ֆրանսիայում, Շվեյցարիայում, Չինաստանում, Հարավային Աֆրիկայում, Կատարում, Քուվեյթում և ԱՄԷ-ում Սուդանի դեսպանների համատեղ հայտարարության մեջ, որը հրապարակել է Sudan Tribune-ը։

Շաբաթներ շարունակ թեժացող ճգնաժամի պայմաններում զինվորականները հոկտեմբերի 25-ին Սուդանում գրավել են իշխանությունն ու երկրում արտակարգ դրություն մտցրել։ Պուտչիստների առաջնորդ, գեներալ Աբդել Ֆաթահ ալ-Բուրհանը հայտարարել է կառավարության և, այսպես կոչված, Ինքնիշխան խորհրդի լուծարման մասին, որը վերահսկում էր երկրի ժողովրդավարացման գործընթացը և ներառում ինչպես զինվորականների, այնպես էլ քաղաքացիական անձանց։ Նա խոստացել է, որ զինվորականները կշարունակեն երկրի անցումը դեպի ժողովրդավարություն, քանի դեռ չի ընտրվել քաղաքացիական կառավարություն։

Գեներալն ընտրություններ է նշանակել 2023 թվականի հուլիսին։ ԱՄՆ-ը և ԵՄ-ն հայտարարել են, որ «շարունակում են ճանաչել Սուդանի պաշտոնանկ արված վարչապետ Աբդուլլահ Համդուկին և նրա կաբինետը՝ որպես անցումային կառավարության սահմանադրական առաջնորդներ»:

Նրանք հանդիպում են պահանջել Համդուկի հետ, որին, ըստ վարչապետի գրասենյակի, չորեքշաբթի զինվորականները տուն են վերադարձրել ուժեղ հսկողության ներքո։ Համդուկը ձերբակալվել էր երկուշաբթի և տեղափոխվել անհայտ վայր այն բանից հետո, երբ հրաժարվել էր ստորագրել պուտչիստներին աջակցող հայտարարություն:

Ի պատասխան զինվորականների գործողությունների՝ Սուդանի արհմիությունների ասոցիացիան (SPA) ժողովրդին համընդհանուր գործադուլի և քաղաքացիական անհնազանդության կոչ է արել։ Սուդանի մայրաքաղաքում տասնյակ հազարավոր մարդիկ բողոքի ցույցեր են սկսել։ Խարթումի փողոցներում բարիկադներ են տեղադրվում։ Հաղորդվում է զինվորականների և ցուցարարների միջև զանգվածային բախումների մասին։

Տաթև Ֆռանգյան