Քաղաքականություն
28.10.2021 | 13:45«Քաղաքացիական պայմանագիր» խմբակցության ղեկավար Հայկ Կոնջորյանն անդրադարձավ «Հայաստան» խմբակցության պատգամավոր Աննա Գրիգորյանի ելույթին:
Հիշեցնեն՝ Աննա Գրիգորյանն իր ելույթում մասնավորապես նշել է. «Մեզ ասում եք` ինչո՞ւ Գորիսի ընտրություններին չէիք գնացել, էդ որ դուք գնացիք, ԱԺ փոխնախագահ էր եկել ձեզ հետ, խմբակցության ղեկավար, մեծ շքախմբով գնացիք, ի՞նչ արեցիք` հաղթեցի՞ք, չհաղթեցիք, որովհետև գորիսեցին գիտի` ում է իր ձայնը տալիս, ում վստահում:
Իրավունք չունեք կապանցուն ասել՝ սրան ընտրեք, նրան մի ընտրեք, դուք դրա իրավունքը չեք վաստակել, հեռո՛ւ մնացեք»:
«Ասվում է` խմբակցության ղեկավարը գնաց Գորիս և այլն: Ես գնացել եմ, գնում եմ և գնալու եմ Գորիս, գնալու եմ Կապան, գնալու եմ Հայաստանի Հանրապետության ցանկացած մարզ, գյուղ և քաղաք, և որևէ մեկը թող իրեն որևէ բնակավայրի սեփականաշնորհման իրավունքով չգա և ձայնի բարձր դեցիբելներով ինչ-որ բաներ խոսի:
Տիկի՛ն Գրիգորյան, դուք չեք մասնակցնել, «Հայաստան» դաշինքը չի մասնակցել Գորիսի ընտրություններին, «Հայաստան» դաշինք անունով քաղաքական միավոր նախորդ ՏԻՄ ընտրություններին որևէ տեղ չի մասնակցել, հիմա ես չեմ հասկանում՝ ինչո՞ւ եք Գորիսում Առուշ Առուշանյանի գրանցած արդյունքները այստեղ կապիտալիզացնում:
Հիմա նույն տրամաբանությամբ մի ուրիշ տեղ էլ մի ուրիշ թեկնածու մի ուրիշ կուսակցության ռեբրենդինգով մասնակցի ու ասենք թե արդյունք գրանցի, էլի գալու եք այստեղ կապիտալիզացնե՞ք: Բա եթե այդքան մեծ կշիռ ունեք, գնացեք ձեր անունով մասնակցեք ՏԻՄ ընտրություններին, դա կլինի իսկական մարտահրավեր»,- ասաց Կոնջորյանը։
Մանրամասները՝ տեսանյութում:
