Քաղաքականություն
28.10.2021 | 12:45Տեղական ինքնակառավարման մասին» օրենքում փոփոխությունների նախագծի քննարկման ժամանակ այսօր «Հայաստան» դաշինքի պատգամավոր Արմենուհի Կյուրեղյանը դիմեց քաղաքացիներին՝ հորդորելով մասնակցել առաջիկայում սպասվելիք ՏԻՄ ընտրություններին ու չընտրել իշխող քաղաքական ուժին։
ԱԺ փոխնախագահ Ռուբեն Ռուբինյանը հորդորեց ԱԺ ամբիոնից նախընտրական քարոզչությամբ չզբաղվել։
«Քաղաքացիական պայմանագրից» Վահագն Ալեքսանյանը նշեց, որ «Հայաստան» դաշինքի բարձր վարձատրվող PR մասնագետները խորհուրդ են տվել ՏԻՄ ընտրություններում «չերևալ», որպեսզի քաղաքացիների մոտ Ռոբերտ Քոչարյանի հետ ասոցիացիա չառաջանա։
«Դա տեղի ունեցավ Գորիսում՝ Առուշ Առուշանյանի դեպքում, որտեղ դաշինքն ամեն կերպ զերծ մնաց քարոզարշավին մասնակցելուց և զերծ պահեց Առուշանյանի անունը Ռոբերտ Քոչարյանի անունից։ Հետո, երբ ընտրությունները կայացան, ասացին՝ այ տեսաք, մենք հաղթեցինք»,- նշեց Ալեքսանյանը՝ հավելելով, որ նույնը հիմա տեղի է ունենում Կապանում:
«Նույն մարդիկ, Քոչարյանի թիմը փորձում են իրենց հեռու պահել Գևորգ Փարսյանից, բայց սատարում է Գևորգ Փարսյանին: Ընտրելով Գևորգ Փարսյանին՝ դուք ընտրում եք Ռոբերտ Քոչարյանին և նրա թիմին»,- նշեց Վահագն Ալեքսանյանը։
Մանրամասները՝ տեսանյութում:
