29.06.2026 | 22:03
Վրաստանն ու Ղազախստանը ռազմավարական գործընկերության մասին հռչակագիր են ստորագրել
Փաշինյանին սիրով հեռացնելու ենք և պատասխան են տալու բոլորը, ովքեր կարծում են՝ իշխանությունը հավերժ է. Աղվան Վարդանյան․ ՏԵՍԱՆՅՈՒԹ
Քաղաքականություն
28.10.2021 | 13:31
«Մենք իր հետ խոսելու բան չունենք, մենք մի նպատակ ունենք՝ այս իշխանությունն օր առաջ պետք է հեռացվի»,- խորհրդարանում լրագրողների հետ զրույցում այս մասին ասաց «Հայաստան» խմբակցության անդամ Աղվան Վարդանյանը՝ անդրադառնալով հարցին, թե ինչպես են արձագանքում կարոև խնդիրների շուրջ Նիկոլ Փաշինյանի հետ նստել, քննարկելու առաջարկին:
Նա հիշեցրեց, որ երեկ կառավարություն-ԱԺ հարցուպատասխանի ընթացքում դարձյալ հարցադրում է հնչել, թե ինչու բարձրաստիճան պաշտոնյաները, մասնավորապես, ՀՀ նախագահը, վարչապետը և ԱԳ նախարարը չեն այցելում Արցախ այն դեպքում, երբ նոյեմբերի 9-ից հետո Իլհամ Ալիևն արդեն 15 անգամ այց է կատարել Արցախից բռնազավթած տարածքներ։
««Հայաստան» խմբակցությունը երեկ արդեն հայտարարել է, որ քեզ հետ խոսելու բան չունենք, քեզ հեռացնելու ենք»,- ասաց Աղվան Վարդանյանը։
Անդրադառնալով հարցին, թե ինչպես են հեռացնելու, Վարդանյանը պատասխանեց. «Սիրով»։ Վարդանյանի խոսքով՝ պատասխան են տալու բոլորը, ովքեր կարծում են՝ իշխանությունը հավերժ է:
Պատգամավորի կարծիքով՝ Փաշինյանը խուսափում է այցելել Արցախ, քանի որ վախենում է. «Վախն այնքան խորն է նստած այս մարդու մեջ, որ չի համարձակվում որևէ քայլ անել, որը կզայրացնի Ալիևին»։
Մանրամասները՝ տեսանյութում:
