Քաղաքականություն
28.10.2021 | 12:05ՀՀ Կառավարության որոշմամբ՝ «Կոշ» և «Հրազդան» քրեակատարողական հիմնարկների գործունեությունը կդադարեցվի:
«Որոշման նախագիծը 2022 թվականին կխնայի 1 մլրդ 200 մլն դրամ: Բայց այս նախագիծը միայն գումարի խնայողության մասին չէ: Սա նաև շատ կարևոր սկիզբ է քրեակատարողական համակարգի հետագա բարելավման համար»,- ներկայացնելով նախագիծը՝ նշեց ՀՀ արդարադատության նախարար Կարեն Անդրեասյանը:
Այսօր Հայաստանում կա 12 քրեակատարողական հիմնարկ:
«Նախագծի՝ հավանության արժանանալուց հետո մենք կունենանք 10 ՔԿՀ-ներ, որոնց վրա կենտրոնանալով և որոնց պայմանները լավացնելով՝ կկարողանանք հետագայում էլ ավելի օպտիմալացնել համակարգը և լուծել մարդու իրավունքների լուրջ խնդիրներ, նաև լուծել համակարգում աշխատողների մի շարք կարևոր հարցեր»,- նշեց Անդրեասյանը:
Նախարարը նաև տեղեկացրեց, որ 280 հաստիք կկրճատվի, մի մասը կտեղափոխվի այլ աշխատանքի, մյուս մասը դեռևս կմնա կադրերի ռեզերվում:
Մանրամասները՝ տեսանյութում:
