16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
500-ից պակաս բնակիչ ունեցող համայնքի ղեկավարը կարող է չունենալ բարձրագույն կրթություն․ նախագիծ․ ՏԵՍԱՆՅՈՒԹ
Քաղաքականություն
28.10.2021 | 11:00
Ազգային ժողովում քննարկվում է «Տեղական ինքնակառավարման մասին» Հայաստանի Հանրապետության օրենքում փոփոխություններ եւ լրացումներ կատարելու մասին, «Երևան քաղաքում տեղական ինքնակառավարման մասին» Հայաստանի Հանրապետության օրենքում փոփոխություն կատարելու մասին, «Աշխարհագրական անվանումների մասին» Հայաստանի Հանրապետության օրենքում փոփոխություն եւ լրացում կատարելու մասին, «Պետական ոչ առեւտրային կազմակերպությունների մասին» Հայաստանի Հանրապետության օրենքում փոփոխություն կատարելու մասին, «Հանրային ծառայության մասին» Հայաստանի Հանրապետության օրենքում լրացում կատարելու մասին նախագծերի փաթեթը:
Նախագծերի փաթեթը ներկայացրեց ՀՀ տարածքային կառավարման և ենթակառուցվածքների նախարարի տեղակալ Վարչե Տերտերյանը՝ թվարկելով նախատեսվող մի շարք փոփոխություններ:
Ինչպես նշեց ՏԿԵ փոխնախարար Վաչե Տերտերյանը, ըստ առաջարկվող փոփոխությունների՝ համայնքը իր պաշտոնական համացանցային կայքում պետք է պարտավոր լինի տեղադրել համայնքի զարգացման հնգամյա ծրագիրը և դրա կատարման վերաբերյալ հաշվետվությունը:
«Երկրորդը՝ ավագանու նիստերի հետ կապված փաստաթղթերը ավագանու անդամներին նաև էլեկտրոնական եղանակով տրամադրելու պարտավորությունն է: Ավագանու նիստերը կարող են հրավիրվել նաև հեռավար եղանակով»,- նշեց նա:
Փոխնախարարի խոսքով՝ ավագանու անդամի լիազորությունները, ըստ փոփոխությունների, կարող են դադարեցվել օրենքի ուժով՝ ստեղծված փակուղուց դուրս գալու համար, երբ հնարավոր չէր լինում արձանագրություն կազմել:
Նախատեսվող փոփոխություններից մեկի համաձայն՝ 500-ից պակաս հաշվառված բնակիչներ ունեցող համայնքների վարչական ղեկավարների համար բարձրագույն կրթություն ունենալու անհրաժեշտության պահանջը հանվել է։
Մանրամասները ՝ տեսանյութում:
