19.11.2024 | 16:20
Ցանկացած պետական աշխատող պետք է պատրաստ լինի թողնել պաշտոնը․ Ժաննա Անդրեասյան․ ՏԵՍԱՆՅՈՒԹ
Էրդողանը հայտարարել է, որ Արցախի գրավյալ Վարանդայից Ստամբուլ հաղորդակցություն է հաստատվելու
Քաղաքականություն
27.10.2021 | 21:26
Թուրքիայի նախագահ Ռեջեփ Թայիփ Էրդողանը ելույթ է ունեցել իշխող «Արդարություն ու զարգացում» կուսակցության խորհրդարանական խմբակցության նիստում ու կիսվել Արցախի գրավյալ տարածքներ այցի տպավորություններով։ Այս մասին գրում է «Անադոլու» գործակալությունը։
Նա հայտարարել է, որ Թուրքիան մեծ ներդրում է ունենում Արցախի գրավյալ տարածքների վերականգնման գործում։ Ըստ Էրդողանի՝ Վարանդայի միջազգային օդանավակայանի կառուցմանը 12 թուրքական ընկերություն է մասնակցել։
Թուրքիայի նախագահը նաև հույս է հայտնել, որ Վանադայից Ստամբուլ հաղորդակցություն է հաստատվելու, նախատեսվում է կառուցել և՛ ավտոճանապարհներ, և՛ երկաթուղի։
«Թուրքիան նաև Ադրբեջանին փոխանցել է տարածքների ականազերծման անօդաչու մեքենա։ Աշխատանքներն ակտիվորեն շարունակվում են։ Համոզված եմ, որ Ադրբեջանը մոտ ժամանակներում այն պետությունների շարքում կլինի, որոնց օրինակ են բերում միջազգային ասպարեզում»,- ասել է Էրդողանը։
Նշենք, որ նախօրրին մեկօրյա աշխատանքային այցով Էրդողանն Արցախի գրավյալ տարածքներ էր մեկնել։ Նա մասնակցել է Վարանդայի օդանավակայանի բացմանը, ավտոճանապարհների ու ագրոպարկի հիմնարկեքի։
Էմմա Չոբանյան
