19.11.2024 | 16:20
Ցանկացած պետական աշխատող պետք է պատրաստ լինի թողնել պաշտոնը․ Ժաննա Անդրեասյան․ ՏԵՍԱՆՅՈՒԹ
Ոստիկանությունը շարունակում է հակահամաճարակային կանոնների պահպանման հետ կապված հսկողությունը
27.10.2021 | 20:52
Ոստիկանությունը շարունակում է հսկողությունը հակահամաճարակային անվտանգության կանոնների պահպանման նկատմամբ, տեղեկացնում է ոստիկանության լրատվական ծառայությունը։
Հոկտեմբերի 27-ին ոստիկանության մարզային վարչությունների և ենթակա ստորաբաժանումների ծառայողները, ինչպես և մարզերը սպասարկող ճանապարհային ոստիկանները քաղաքացիներին դիմակ են բաժանում՝ հորդորելով հանրային փակ տարածքներում և երթուղային տրանսպորտում պարտադիր դիմակ կրել։ Ոստիկանության ծառայողները բացի դիմակներ բաժանելուց,շրջայցեր են կատարում հանրային փակ տարածքներ։
Այն անձինք, որոնք չեն պահպանում հակահամաճարակային անվտանգության կանոնները, նրանց նկատմամբ կազմվում է վարչական իրավախախտման վերաբերյալ արձանագրություն։
Կրեք դիմակ, եթե անգամ պատվաստված եք, պահպանեք սոցիալական հեռավորություն, հաճախակի ախտահանեք ձեռքերը․ զգուշացնում է ՀՀ ոստիկանությունը։
