25.04.2026 | 12:11
Ֆրանսիան միշտ կլինի Հայաստանի կողքին. Լըկոռնյու
ԱՄՆ-ի և Թուրքիայի նախագահների խորհրդականները քննարկել են Հարավային Կովկասում տիրող իրավիճակը
Քաղաքականություն
27.10.2021 | 20:15
ԱՄՆ նախագահի ազգային անվտանգության հարցերով խորհրդական Ջեյք Սալիվանն այսօր հեռախոսազրույց է ունեցել Թուրքիայի նախագահ մամուլի խոսնակ և գլխավոր խորհրդական Իբրահիմ Քալընի հետ։ Այս մասին տեղեկանում ենք Սպիտակ տան տարածած հաղորդագրությունից։
Կողմերը քննարկել են նաև Հարավային Կովկասում տիրող իրավիճակը։
«Նրանք քննարկել ենք տարածաշրջանային հարցեր, ներառյալ՝ Աֆղանստանը, Մերջավոր Արևելքը, Հարավային Կովկասն ու Արևելյան Միջերկրականը, ինչպես նաև պաշտպանական հարաբերությունները։ Նրանք համաձայնել են երկխոսելու կարևորության շուրջ՝ տարաձայնությունները կառավարելու և երկկողմ կառուցողական կապերը պահպանելու համար»,- ասվում է հաղորդագրության մեջ։
Նշենք, որ նոյեմբերի 1-12-ը Գլազգոյում նախանշված է ՄԱԿ-ի Կլիմայի փոփոխության 26-րդ գագաթնաժողովը (COP26): Թուրքիայի նախագահ Ռեջեփ Թայիփ Էրդողանն ավելի վաղ հայտնել էր, որ համաժողովի շրջանակում հանդիպելու է ԱՄՆ նախագահ Ջո Բայդենի հետ։
Էմմա Չոբանյան
