29.06.2026 | 13:54
Հրդեհ Կապուտանում․ հրշեջ-փրկարարները կանխել են կրակի տարածումը
Ձեր ավագ ընկերները խաբել են Ձեզ․ վարչապետը՝ ընդդիմադիր պատգամավորին․ ՏԵՍԱՆՅՈւԹ
Քաղաքականություն
27.10.2021 | 20:22
«Դուք Արցախի կորստի մեջ մի կուսակցության եք մեղադրում, որն Արցախյան պատերազմների ընթացքում ավելի շատ զոհ է տվել, քան դուք 2018-ից առաջ կուսակցության անդամ ունեիք»,- այս մասին խորհրդարանում ասաց «Հայաստան» խմբակցության պատգամավոր, ՀՅԴ անդամ Քրիստինե Վարդանյանը՝ արձագանքելով ՀՅԴ-ի հասցեին վարչապետ Նիկոլ Փաշինյանի հնչեցրած մեղադրանքներին՝ Արցախը բանակցային սեղանից հեռացնելու վերաբերյալ:
Պատգամավորը նրան հիշեցրեց պատերազմի սկզբին ՀՅԴ-ականների հետ ունեցած հանդիպման բովանդակության մասին։
«Այդ կուսակցության ներկայացուցիչները պատերազմի ընթացքում Ձեզ հետ հանդիպմանը ամենակարևոր բանն են ասել․ ասել են՝ չնայած Ձեզ հետ եղած բոլոր տարաձայնություններին, մենք հայոց բանակի զինվորն ենք այն պահից, երբ պատերազմ է հայտարարվել։ Եվ տրիվիալ հարց են տվել՝ մենք կռվում ենք հաղթելո՞ւ, թե՞ պարտվելու համար։ Պարզվեց՝ կռվում էին պարտվելու համար, որովհետև այն պահից, երբ Հայաստանին պատերազմ է հայտարարվել, Ձեր միակ գործն այդ պատերազմում չպարտվելն էր, մնացած ամեն ինչը պետք է դրան ստորադասվեր»,- նշեց պատգամավորը։
«Եթե Ձեր կուսակցության ավագ ընկերները եկել, Ձեզ պատմել են, որ ինձ մոտ հանդիպումների եկած ժամանակ այդ ամեն ինչն են ասել, ինչը հիմա փորձում էիք վերարտադրել, ապա Ձեզ խաբել են», – պատասխանեց վարչապետ Նիկոլ Փաշինյանը։
Մանրամասները՝ տեսանյութում:
