30.07.2026 | 11:47
Լեհաստանը ռազմական ինքնաթիռներ է օդ բարձրացրել Ուկրաինայի վրա ռուսական զանգվածային հարձակման ֆոնին
Արցախի նախագահի և իշխանությունների հետ կորոշենք՝ երբ է նպատակահարմար գնալ Արցախ․ Փաշինյան․ ՏԵՍԱՆՅՈւԹ
Քաղաքականություն
27.10.2021 | 19:10
«ՀՀ բազմաթիվ պաշտոնյաներ այս ընթացքում այցելել են Արցախ, շարունակում են այցելել, ու պաշտոնյաների այցը կկազմակերպվի՝ ըստ նպատակահարմարության», – Ազգային ժողովում հարցուպատասխանի ժամանակ այս մասին հայտարարեց ՀՀ վարչապետ Նիկոլ Փաշինյանը՝ պատասխանելով «Հայաստան» խմբակցության պատգամավոր Ագնեսա Խամոյանի հարցին, թե երբ է, ի վերջո, Փաշինյանը գնալու Արցախ:
Պատգամավորն արձագանքեց՝ նշելով, թե երբ ՀՀ ԱԳ նախկին նախարար Արա Այվազյանն այցելել էր Արցախ, Ադրբեջանի նախագահը զգուշացրել էր, սպառնացել, որ ՀՀ իշխանություններն այլևս չայցելեն Ղարաբաղ:
«Դրանից հետ մենք չենք ունեցել ո՛չ Ձեր մակարդակով այց, ո՛չ նախագահի, ո՛չ Անվտանգության խորհրդի քարտուղարի մակարդակով այց, ո՛չ էլ ԱԳ նախարարի մակարդակով», – ասաց Խամոյանը:
Նա կրկին հետաքրքրվեց՝ ե՞րբ Փաշինյանը նպատակահարմար կգտնի այցելել Արցախ:
«Այս հայտարարությունից հետո ՀՀ տասնյակ պաշտոնյաներ այցելել են Արցախ: Ըստ նպատակահարմարության՝ Արցախի իշխանությունների հետ կորոշենք, որոշում կկայացնենք», – պատասխանեց Նիկոլ Փաշինյանը:
Մանրամասները՝ տեսանյութում:
