01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Սաակաշվիլին կոչով դիմել է Իվանիշվիլիին
Քաղաքականություն
27.10.2021 | 18:00
Վրաստանի երրորդ նախագահ Միխեիլ Սաակաշվիլիի ֆեյսբուքյան էջում «Վրացական երազանքի» հիմնադիր Բիձինա Իվանիշվիլիին ուղղված կոչ է հրապարակվել․ գրում է aliq.ge-ն։
«Ես դիմում եմ Իվանիշվիլիին՝ կողպեք պատուհաններն ու սևացրեք, կտրեք հեռախոսակապը. դու ոչ միայն ինձ դատարան, այլ նաև հիվանդանոց տեղափոխելուց ես վախենում»,- գրված է Սաակաշվիլիի ֆեյսբուքյան էջում:
Սաակաշվիլին հավելել է, որ համարձակության դեպքում իշխանություններն իրեն կտանեին այսօրվա հանրահավաքին և տեղում բանավեճ կանցկացնեին։
Նշենք, որ իշխող «Վրացական երազանք»-ն այսօր երեկոյան հանրահավաք է կազմակերպել Թբիլիսիի Ազատության հրապարակում։
Միխեիլ Սաակաշվիլին ձերբակալվել էր հոկտեմբերի 1-ին։ Նա հացադուլի մեջ է արդեն 27 օր։ Սաակաշվիլիի առողջական վիճակը վերահսկելու համար ստեղծվել է բժշկական խորհուրդ, որտեղ աշխատում են տարբեր ոլորտների մասնագետներ։
Հատկանշական է նաև, որ բազմաթիվ հայտարարություններ են արվել թե՛ հասարակական կազմակերպությունների, թե՛ քաղաքական կուսակցությունների կողմից՝ Միխեիլ Սաակաշվիլիին քաղաքային հիվանդանոց տեղափոխելու պահանջով։
