18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
ԱՄՆ-ն աջակցում է քայլերին, որոնք նպաստում են տարածաշրջանի 3 երկրների տնտեսական զարգացմանը․ Ադրբեջանում ԱՄՆ դեսպան
Քաղաքականություն
27.10.2021 | 17:58
Ադրբեջանում ԱՄՆ արտակարգ ու լիազոր դեսպան Լի Լիտցենբերգերը Գանձակում լրագրողների հետ զրույցում խոսել է տարածաշրջանի հաղորդակցության ուղիների ապաշրջափակման մասին։
«Վերականգնման արագ տեմպերը շատ դրական են։ Խոսելով տարածաշրջանային տրանսպորտային միջանցքների, տարածաշրջանային համագործակցության միջանցքների մասին՝ ցանկանում ենք ասել, որ ԱՄՆ-ը հետաքրքրված է տարածաշրջանային բոլոր կապերի հաստատմամբ՝ լինի ցամաքային տրանսպորտը, երկաթուղային տրանսպորտը, թե օդային տրանսպորտը»,- ասել է ԱՄՆ դեսպանը։
Նրա խոսքով՝ ԱՄՆ-ն աջակցում է նման քայլերը, որոնք նպաստում են տարածաշրջանի երեք երկրների տնտեսական զարգացմանը։ Ըստ դեսպանի՝ ԱՄՆ-ն շարունակում է բանակցել կողմերի հետ՝ իր ներդրումն ունենալու զարգացման ուղղությամբ։
Լիտցենբերգերն ասել է, որ ԱՄՆ-ն հավատարիմ է հանդիպումների կազմակերպման նպատակին՝ հակամարտության լուծման համար։ Նա նաև նշել է, որ բարձր են գնահատում Նյու Յորքում սեպտեմբերին տեղի ունեցած Հայաստանի ու Ադրբեջանի ԱԳ նախարարների հանդիպումը և շարունակելու են կողմերի նման հանդիպումների կազմակերպման ուղղությամբ աշխատանքը՝ խաղաղ գործընթացում ներդրման համար։
Էմմա Չոբանյան
