08.06.2026 | 23:25
24 ժամ ջուր չի լինի Կոտայքի մարզի մի շարք հասցեներում
Վրաստանի իշխող կուսակցությունը բազմահազարանոց ակցիա է անցկացնում Թբիլիսիում
Քաղաքականություն
27.10.2021 | 18:11
Ընտրությունների նախաշեմին Վրաստանի իշխող «Վրացական երազանք-Ժողովրդավարական Վրաստան» կուսակցությունն իր հազարավոր համակիրներին հավաքել է Թբիլիսիի կենտրոնական Ազատության հրապարակում։ Այս մասին հաղորդում է գրում է «Սպուտնիկ»-ի վրացական ծառայությունը։
Կուսակցության ղեկավարները պարզաբանել են, որ սա նախընտրական քարոզարշավի շրջանակում անցկացվող ամփոփիչ միջոցառում է։ Հոկտեմբերի 30-ին երկրում նախանշված է ՏԻՄ ընտրությունների երկրորդ փուլը։ Այդ օրը վրացիները պետք է ընտրեն 20 քաղաքների և շրջանների քաղաքապետերի, ինչպես նաև 15 մունիցիպալիտետների սակրեբուլոների առանձին պատգամավորների։
«Այսօր Ազատության հրապարակում հավաքվել են մարտական ոգով, ազատ մարդիկ, այն մարդիկ, որոնք 2012 թվականին ցույց տվեցին, որ ցանկանում են ապրել արդար, ազատ երկրում»,- ասել է երկրի վարչապետ Իրակլի Ղարիբաշվիլին։
Տաթև Ֆռանգյան
