16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
ԵՄ դատարանը Լեհաստանին պարտավորեցրել է օրական 1.2 մլն դոլար վճարել՝ դատական համակարգի բարեփոխումների շուրջ վեճի պատճառով
Քաղաքականություն
27.10.2021 | 21:12
ԵՄ դատարանը որոշել է, որ Լեհաստանը պարտավոր է Եվրամիությանն ամեն օր 1․2 միլիոն դոլար տուգանք վճարել, քանի դեռ չի սկսել աշխատել իր դատական համակարգի բարեփոխումների ուղղությամբ։ Այս որոշումը կայացվել է Լեհաստանի դատարանի անկախության վերաբերյալ գործի քննությամբ, գրում է The Washington Post-ը։
Դատարանի որոշումից երկու օր առաջ Լեհաստանի վարչապետ Մաթեուշ Մորավիեցկին խոստացել էր, որ ԵՄ-ն պատասխան կտա, եթե լեհական պետության հետ «երրորդ համաշխարհային պատերազմ» սանձազերծի։
«Մենք մեր իրավունքները պաշտպանելու ենք մեր ձեռքի տակ եղած ցանկացած զենքով»,- ասել էր նա։
Սեպտեմբերի 7-ին Եվրահանձնաժողովը պահանջել էր պատժամիջոցներ կիրառել Լեհաստանի դեմ՝ դատական համակարգի բարեփոխումների պատճառով։ Ուղիղ մեկ ամիս անց՝ հոկտեմբերի 7-ին, Լեհաստանի Սահմանադրական դատարանը ճանաչեց սահմանադրական իրավունքի գերակայությունը եվրոպականի նկատմամբ։
Տաթև Ֆռանգյան
