18.01.2026 | 16:17
Կյանքից հեռացել է ճարտարապետության դոկտոր, պրոֆեսոր Մուրադ Հասրաթյանը
Ադրբեջանը 2022թ․ Արցախի գրավյալ տարածքների վերականգնման համար նախատեսում է 1․3 մլրդ դոլար հատկացնել
Քաղաքականություն
27.10.2021 | 16:55
Ադրբեջանի կառավարությունը ծրագրում է 2022 թվականին Արցախի գրավյալ տարածքների վերականգնման համար պետական բյուջեից հատկացնել 2․2 մլրդ մանաթ (շուրջ 1․3 մլրդ դոլար)։ Ադրբեջանական լրատվամիջոցների հաղորդմամբ՝ այդ միջոցները նախատեսված են 2022թ․ պետական բյուջեի նախագծում, որը կառավարությունը ներկայացրել է Միլի Մեջլիսի քննարկմանը։
Նշենք, որ 2021 թվականի բյուջեով ևս 2․2 մլրդ մանաթ էր նախատեսվել Արցախի գրավյալ տարածքների վերականգնման համար։ Սակայն այս տարվա առաջին կիսամյակի տվյալներով՝ ընդհանուր հատկացված միջոցների ընդամենը 16․9 տոկոսն է ծախսվել։
2021 թվականի հունվար-հունիս ամիսներին Արցախի գրավյալ տարածքների վերականգնման ուղղությամբ պետական ներդրումը կազմել է 372․1 մլն մանաթ (218․9 մլն դոլար)։
Ստացվում է, որ Ադրբեջանը միջոցները բավական խնայողաբար է ծախսում՝ չնայած նախագահ Իլհամ Ալիևն ու երկրի տարբեր պաշտոնյաներ պարբերաբար հայտարարում են «մեծածավալ վերականգնողական աշխատանքների ու մեծ վերադարձի» մասին։
Էմմա Չոբանյան
