29.06.2026 | 22:03
Վրաստանն ու Ղազախստանը ռազմավարական գործընկերության մասին հռչակագիր են ստորագրել
Էրդողանը հայտնել է, որ Գլազգոյում Ջո Բայդենի հետ քննարկելու է F-35-ների ծրագրին Թուրքիայի մասնակցության հարցը
Քաղաքականություն
27.10.2021 | 15:48
Թուրքիայի նախագահ Ռեջեփ Թայիփ Էրդողանը հայտնել է, որ ԱՄՆ նախագահ Ջո Բայդենի հետ կայանալիք հանդիպմանը քննարկման հիմնական թեման լինելու է հինգերորդ սերնդի F-35 կործանիչների ծրագրին Թուրքիայի մասնակցության հարցը։ Այս մասին գրում է «Անադոլու» գործակալությունը։
Նա նշել է, որ ԱՄՆ նախագահի հետ երկկողմ հանդիպումը տեղի կունենա ոչ թե Հռոմում՝ «Մեծ քսանյակի» (G20) գագաթնաժողովի շրջանակում, այլ Գլազգոյում՝ կլիմայական փոփոխությունների գագաթնաժողովում։
Էրդողանը հիշեցրել է, որ Թուրքիան արդեն 1․4 մլրդ դոլար է փոխանցել հինգերորդ սերնդի F-35 ինքնաթիռների ծրագրի շրջանակում։
«Այդ միջոցները պետք է վերադարձվեն Թուրքիային։ Պետք է ժամանակացույց կազմել, իմանալ ամերիկյան կողմի դիրքորոշումը։ ԱՄՆ-ից որոշակի ազդակներ են գալիս Թուրքիային F-16 ինքնաթիռներ փոխանցելու ցանկության մասին։ Սակայն մենք պետք է հստակ դիրքորոշումն իմանանք, այդ թվում՝ Բայդենի շուրթերից»,- ասել է Էրդողանը Արցախի գրավյալ տարածքներից վերադառնալիս լրագրողների հետ զրույցում։
Էմմա Չոբանյան
