14.09.2026 | 14:48
Անկարան հայտնել է, որ Թուրքիայից Հայաստան արտահանումը հունվար-օգոստոսին կազմել է 1 մլն 336 հազար դոլար
Հուսով եմ՝ Իրանը ողջամիտ կգործի և Ադրբեջանի հետ հարաբերություններում խնդիրներ չեն լինի․ Էրդողան
Քաղաքականություն
27.10.2021 | 14:16
Արցախի գրավյալ տարածքներից վերադառնալիս Թուրքիայի նախագահ Ռեջեփ Թայիփ Էրդողանը ինքնաթիռում լրագրողների հետ զրույցում մեկնաբանել է Իրանի և Ադրբեջանի հարաբերություններում առկա լարվածությունն ու Բաքվի և Թել Ավիվի հարաբերություններից իրանական կողմի դժգոհությունները։ Այս մասին գրում է «Անադոլու» գործակալությունը։
«Մենք Իլհամ Ալիևի հետ քննարկել ենք այդ հարցը։ Ադրբեջանի նախագահը հետ չի կանգնի իր վճռական դիրքորոշումից։ Նա հայտարարեց, որ Իսրայելի հետ հարաբերությունները չեն տարբերվում Ադրբեջանի՝ այլ երկրների հետ կապերից և այդպես լինելու է հետագայում։ Երկրներն իրավունք չունեն միմյանց վրա ճնշում գործադրել որոշումների կայացման մեխանիզմի հարցում։ Հուսով եմ՝ Թեհրանը ողջամիտ կգործի և Իրանի ու Ադրբեջանի հարաբերություններում խնդիրներ չեն լինի»,- ասել է Էրդողանը։
Նշենք, որ Բաքվի ու Թեհրանի հարաբերությունները կտրուկ սրվեցին, երբ սեպտեմբերի 15-ին Ադրբեջանը Գորիս-Կապան ճանապարհին ձերբակալեց իրանցի երկու վարորդի։ Միայն վերջերս Բաքուն ազատ արձակեց իրանցի վարորդներին, և հիմա երկու երկրների հարաբերություններում լարվածության որոշակի նվազում է նկատվում։
Էմմա Չոբանյան
