14.09.2026 | 14:48
Անկարան հայտնել է, որ Թուրքիայից Հայաստան արտահանումը հունվար-օգոստոսին կազմել է 1 մլն 336 հազար դոլար
ԱՄՆ կոնգրեսականները Բայդենին կոչ են անում Թուրքիային F-16 կործանիչներ չվաճառել
Քաղաքականություն
27.10.2021 | 14:33
ԱՄՆ դեմոկրատ և հանրապետական 11 կոգրեսականներ կոչ են արել նախագահ Ջո Բայդենին՝ մերժել Թուրքիայի՝ F-16 կործանիչներ ձեռք բերելու դիմումը։ Այս մասին գրում է «Ահվալ»-ը։
Կոնգրեսի Ներկայացուցիչների պալատի անդամները մտահոգություն են հայտնել այն տեղեկությունների կապակցությամբ, որ Թուրքիան կարող է գնել 40 F-16 կործանիչ և F-16-ի 80 արդիականացման համալիր։ Այս մասին ասվում է հոկտեմբերի 25-ին Սպիտակ տուն ուղարկված նամակում։
Կոնգրեսականները նշում են, որ չեն կարող թույլ տալ խաթարել իրենց ազգային անվտանգությունը՝ կործանիչներ ուղարկելով պայմանագրային մի դաշնակցի, որն իրեն շարունակում է պահել հակառակորդի պես։
Նամակը կազմել են հանրապետական Նիկոլ Մալիոտակիսն ու դեմոկրատ Քերոլայն Մալոնին։
«ԱՄՆ-ն չի կարող այս պահին թույլ տալ որևէ ժամանակակից ռազմական տեխնիկա փոխանցել Թուրքիայի կառավարությանը»,- ասվում է նամակում։
Նշենք, որ Թուրքիայի կողմից ռուսական S-400 պաշտպանական համակարգերի ձեռքբերումից հետո ԱՄՆ-ն Անկարային հեռացրեց F-35 կործանիչների ծրագրից և պատժամիջոցներ սահմանեց։
Էմմա Չոբանյան
