17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
«Վրեժ» բառը Փաշինյանն էր օգտագործում․ Վարդևանյանը՝ ընդդիմությանը «ռևանշիստ» որակելու մասին․ ՏԵՍԱՆՅՈՒԹ
Քաղաքականություն
27.10.2021 | 14:14
«Խոսվեց «ռևանշիզմ» եզրույթի վերաբերյալ»,- այս մասին ԱԺ այսօրվա նիստում նշեց «Հայաստան» խմբակցության պատգամավոր Արամ Վարդևանյանը՝ անդրադառնալով «Քաղաքացիական պայմանագիր» խմբակցության պատգամավոր Արթուր Հովհաննիսյանի ելույթին, որում նա ընդդիմադիրներին անվանեց «ռևանշիստ ուժեր»:
«Ամենազարմանալին այն է, որ այդ ձևակերպումը ընդդիմադիր ուժերին այսօր վերագրում է թշնամի երկրի ղեկավար, միջազգային մի շարք հանցագործությունների հետ առնչություն ունեցող Ալիևը: Այդ ո՞նց է ստացվում, որ այդ հռետորաբանությունն օգտագործվում է այս դահլիճում:
«Վրեժ»-ի մասին ձևակերպումը, բարձր դիրքից, կարգավիճակից տվել է Նիկոլ Փաշինյանը: Ես հիշում եմ, որ 2020թ. նոյեմբերի 10-ին, ուշ ժամի, երբ որ հայ հասարակությունը շոկի մեջ էր, Նիկոլ Փաշինյանը հայտարարեց, որ եկել է ժողովրդի վրեժի ժամանակը: «Վրեժ» բառը հենց այդ ժամանակ էր օգտագործում:
Մյուս հանգամանքն այն է, որ վերջին երեք տարիների ընթացքում վրեժ ձևակերպենք թե քաղաքական դրդապատճառ, կան հարուցված քրեական գործեր, որոնց մեջ քաղաքական տարրը գերակայում է իրավականին»,- նշեց Վարդևանյանը:
Մանրամասները՝ տեսանյութում:
