06.03.2026 | 23:30
ԱՄՆ կոնգրեսականները պահանջում են հետաքննել Վաշինգտոնում Ալիևի անվտանգության աշխատակիցների հետ կապված միջադեպը
Ո՞վ է ասել՝ «Միսը թանկ ա, կարտոֆիլ կերեք»․ Վահագն Ալեքսանյանի «պատմաքաղաքական էքսկուրսը»․ ՏԵՍԱՆՅՈՒԹ
Քաղաքականություն
27.10.2021 | 14:00
«Միսը թանկ է՝ թող կարտոֆիլ ուտեն» արտահայտությունը ձուլվել, ծնվել, երկնվել է նախկինների հենարանի կողմից: Այս մասին ԱԺ-ում հայտարարեց «Քաղաքացիական պայմանագիր» խմբակցության պատգամավոր Վահագն Ալեքսանյանը՝ անդրադառնալով գնաճի վերաբերյալ ընդդիմադիր պատգամավորների դիտարկումներին:
Պատգամավորը պատմական էքսկուրս կատարելով՝ ցուցադրեց ՀՀԿ-ական նախկին պատգամավորներ Հակոբ Հակոբյանի և Խոսրով Հարությունյանի լուսանկարները և նշեց, որ այդ անձանց ձեռամբ է ծնվել «միսը թանկ է, թող կարտոֆիլ ուտեն» արտահայտությունը:
Ալեքսանյանն ընդգծեց, որ Ռոբերտ Քոչարյանի գծից սկսած՝ նաև նրա իրավահաջորդ Սերժ Սարգսյանի իշխանավարման օրոք այդ արտահայտությունը եղել է ՀՀ պետական իշխանությունների վարած քաղաքականություն: «Այո՛, ժողովուրդը պետք է միս չուտեր, կարտոֆիլ ուտեր, որպեսզի շատերը Կիպրոսում օֆշորներ ունենային»,- ասաց պատգամավորը:
Մանրամասները՝ տեսանյութում:
