16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Բելառուսում շուրջ երեք տասնյակ մարդ է ձերբակալվել՝ ծայրահեղական ճանաչված Telegram ալիքներին բաժանորդագրվելու համար
Քաղաքականություն
27.10.2021 | 21:51
Բելառուսում շուրջ 30 մարդ է ձերբակալվել՝ ծայրահեղական ճանաչված Telegram ալիքներին բաժանորդագրվելու համար։ Այս մասին հայտնում է բելառուսական «Գարուն» իրավապաշտպան կենտրոնը։
Իրավապաշտպանների տվյալների համաձայն՝ ձերբակալվածներից մի քանիսի դեմ արձանագրություններ են կազմվել՝ ծայրահեղական գործունեության կոչեր պարունակող տեղեկատվություն տարածելու կամ նման գործողությունները խթանելու համար։
Կազմակերպության կայքում հրապարակվել են 24 ձերբակալվածների անուններ։ Ձերբակալվածներից մեկը՝ 22-ամյա ուսանողուհի Յանինա Զմիտրովիչը, դատարանի կողմից մեղավոր է ճանաչվել և կալանավորվել 15 օրով։
Նշենք, որ Բելառուսում ծայրահեղական է ճանաչվել ավելի քան 100 Telegram ալիք, այդ թվում՝ Nexta Live-ը, երգիծական Luxta ալիքը, ինչպես նաև Բելառուսի նախագահի նախկին թեկնածու Սվետլանա Տիխանովսկայայի Telegram ալիքը։
Տաթև Ֆռանգյան
