19.11.2024 | 20:26
Կոչ ենք անում Վրաստանին վերադառնալ եվրատլանտյան ինտեգրման ուղի․ ՆԱՏՕ-ի գլխավոր քարտուղար
Ալիևը Էրդողանի հետ հանդիպմանը կրկին հիշել է «Զանգեզուրի միջանցքի» մասին՝ նշելով, որ այն կկապի «ամբողջ թյուրքական աշխարհը»
Քաղաքականություն
27.10.2021 | 12:45
Ադրբեջանի նախագահ Իլհամ Ալիևը Արցախի գրավյալ Քաշաթաղի Աղաձոր գյուղում Թուրքիայի նախագահ Ռեջեփ Թայիփ Էրդողանի հետ կայացած հանդիպումից հետո մամուլի համար համատեղ հայտարարության ժամանակ հիշել է, այսպես կոչված, «Զանգեզուրի միջանցքի» մասին, հաղորդում են ադրբեջանական լրատվամիջոցները։
«Այսօր, երբ մենք գտնվում ենք այստեղ՝ Զանգիլանում, սխալ կլիներ չասել «Զանգեզուրի միջանցքի» մասին։ Զանգիլանը գտնվում է Արևելյան Զանգեզուրի շրջանում և այստեղից անցնող «Զանգեզուրի միջանցքը» կմիացնի ամբողջ թյուրքական աշխարհը։ Ե՛վ Ադրբեջանը, և՛ Թուրքիան գործնական քայլեր են ձեռնարկում դրա իրագործման ուղղությամբ։ Համոզված եմ, որ մոտ ապագայում այդ քայլերը կտան իրենց պտուղները»,- ասել է Իլհամ Ալիևը։
Հիշեցնենք՝ Հայաստանը «Զանգեզուրի միջանցքի» ստեղծման պարտավորություն չունի և չի ստորագրել որևէ միջազգային փաստաթուղթ։ ՀՀ իշխանություններն էլ տարբեր մակարդակներում հայտարարել են, որ հայկական կողմը չի պատրաստվում որևէ միջանցք բացել Հայաստանում Ադրբեջանի համար։
Էմմա Չոբանյան
