16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Մարկ Ցուկերբերգին և նրա կնոջը մեղադրում են սեռական ոտնձգության ու խտրականության մեջ․ NBC
Քաղաքականություն
27.10.2021 | 17:03
Facebook-ի հիմնադիր և ղեկավար Մարկ Ցուկերբերգին ու նրա կնոջը՝ Պրիսցիլա Չանին, նրանց երկու նախկին աշխատակիցները մեղադրում են սեռական ոտնձգության ու խտրականության մեջ։ Այս մասին հաղորդում է NBC-ն։
Նշվում է, որ հայցը հավանության է արժանացել դեռևս սեպտեմբերի 20-ին, սակայն այդ մասին հայտնի է դարձել միայն հոկտեմբերի 26-ին։
Հայցը ներկայացրել են Ջոն Դոուն, որը Ցուկերբերգի ընտանիքում եղել է «տնային տնտեսության կառավարիչ», և Միա Քինգը՝ Limitless Specialty Services LLC-ի աշխատակից, որն անվտանգային ծառայություններ է մատուցել։ Դոուն զույգի մոտ աշխատել է 2017 թվականի հունվարից մինչև 2019 թվականի մարտ, իսկ Քինգը՝ 2018 թվականի մայիսից մինչև 2019 թվականի փետրվար։
Բացի սեռական ոտնձգություններից և խտրականությունից՝ Չանն ու Ցուկերբերգը մեղադրվում են աշխատակիցների աշխատավարձերն ուշացնելու մեջ։ Հեռուստաալիքի տվյալներով՝ Facebook-ը ներգրավված չէ դատական գործընթացներում։
Ընտանիքի ներկայացուցիչ Բեն Լաբոլթը հայտարարել է, որ Ցուկերբերգի դեմ մեղադրանքները չեն կարող հաստատվել:
Տաթև Ֆռանգյան
