12.02.2026 | 17:33
Ուկրաինական ԱԹՍ-ները հարձակվել են Ուխտայում «Լուկօյլի» գործարանի վրա. ՏԵՍԱՆՅՈՒԹ
Ուկրաինան առաջին անգամ Դոնբասում օգտագործել է թուրքական «Բայրաքթար» անօդաչու թռչող սարք
Քաղաքականություն
27.10.2021 | 13:04
Ուկրաինացի զինվորականներն առաջին անգամ օգտագործել են թուրքական արտադրության «Բայրաքթար» հարձակողական անօդաչու թռչող սարք, որը, ինչպես հայտնել է ուկրաինական կողմը, ոչնչացրել է հակառակորդի հրետանային համակարգը, գրում է BBC-ի ռուսական ծառայությունը։
Ուկրաինայի զինված ուժերի «Վոստոկ» օպերատիվ հրամանատարությունը հայտնել է անջատականների գնդակոծության հետևանքով մեկ զոհված և մեկ վիրավոր ուկրաինացի զինծառայողի մասին։ Ենթադրվում է, անօդաչու թռչող սարքի օգտագործումը եղել է պատասխան հարված։
Ինքնահռչակ ԴԺՀ-ում և ԼԺՀ-ում ուկրաինական բանակին մեղադրել են ռազմաճակատի գիծը հատելու փորձի մեջ։
«Բայրաքթար» անօդաչու սարքի կիրառման մասին առաջին անգամ հայտնել է ուկրաինացի ռազմական բլոգեր Ռոման Դոնիկը։
«Մի քանի օր շարունակ թշնամու քարոզիչները պնդում էին, որ Ուկրաինայի զինված ուժերը խախտել են Մինսկի պայմանավորվածությունները և մտել օտար տարածք։ Այսօր նրանք գնդակոծել են Դոնեցկի շրջանի Գրանիտնոյե գյուղը առավելագույնը 15 կմ հեռավորությունից։ Ի պատասխան՝ զինվորների և խաղաղ բնակիչների կյանքը փրկելու համար օդ է բարձրացվել «Բայրաքթար»-ը, որը հայտնաբերել է թշնամու մարտկոց և ոչնչացրել այն»,- հայտնել է նա։
Ռուսական լրատվամիջոցներն ու ինքնահռչակ ԴԺՀ-ի և ԼԺՀ-ի ներկայացուցիչներն իրենց հերթին հայտարարում են ուկրաինական բանակի կողմից ռազմական գործողությունների սրման մասին։
Տաթև Ֆռանգյան
