Քաղաքականություն
27.10.2021 | 12:31
Սուդանում ռազմական հեղաշրջման դեմ բողոքի ցույցերի ընթացքում արդեն առնվազն ութ մարդ է մահացել, 157-ը՝ վիրավորվել։ Այս մասին հաղորդում է «Սինհուա» գործակալությունը՝ վկայակոչելով «Սուդանի բժիշկների կենտրոնական կոմիտե» հասարակական կազմակերպությանը։
«Երկուշաբթի ցույցերի ժամանակ յոթ ցուցարար է զոհվել, 140-ը՝ վիրավորվել, իսկ երեքշաբթի մեկ ցուցարար է զոհվել, ևս 17-ը՝ վիրավորվել»,- հայտնել են կոմիտեից։
Տեղեկացվում է, որ մարդկանց մեծ մասը շնչահեղձությունից է մահացել՝ մեծ թվով արտանետված արցունքաբեր գազի պատճառով։
Հիշեցնենք, որ հոկտեմբերի 25-ին հայտնի է դարձել, որ Սուդանում զինվորականները ձերբակալել են երկրի վարչապետին ու 4 նախարարների։ Խարթումում ամբողջությամբ անջատվել են բջջային կապն ու ինտերնետը։
Տաթև Ֆռանգյան
