18.12.2025 | 23:24
ՀՀ տարածքում ավտոճանապարհները հիմնականում անցանելի են
«Վիրավորական բառերից պիտի խուսափենք», «Բառերի ցանկ կա՞»․ ԱԺ-ում քննարկեցին երեկվա միջադեպը․ ՏԵՍԱՆՅՈՒԹ
Քաղաքականություն
27.10.2021 | 10:49
ԱԺ փոխնախագահ Ռուբեն Ռուբինյանը ԱԺ այսօրվա նիստում, արձագանքելով «Պատիվ ունեմ» խմբակցության պատգամավոր Հայկ Մամիջանյանի ելույթին, ներկայացրեց իր դիրքորոշումը ԱԺ-ում երեկ տեղի ունեցած միջադեպի վերաբերյալ:
«Պարոն Մամիջանյան, իմ դիրքորոշմամբ՝ ցանկացած պատգամավոր պետք է հնարավորություն ունենա իր դիրքորոշումներն անկաշկանդ հայտնելու, բայց ոչ մի պատգամավոր չպիտի հնարավորություն ունենա վիրավորելու մեկ այլ պատգամավորի։
Նիստը վարողի պարտականությունն է դրա ապահովումը։ Անվտանգությունը ներս է հրավիրվել ոչ թե այն բանից հետո, երբ Գեղամ Մանուկյանն անձնավորելով վիրավորեց Վիգեն Խաչատրյանին, այլ այն բանից հետո, երբ նա հրաժարվեց լքել ամբիոնը։ Եթե ուզում ենք սուր, բայց բովանդակային քննարկումներ ունենալ, բոլորը պետք է խուսափեն վիրավորական բառերից»։
«Եկեք պահենք այս կանոնը և քննադատենք իրար՝ ինչքան հանարովր է սուր»,- հորդորեց ԱԺ փոխնախագահը:
Տեղից «Հայաստան» խմբակցության պատգամավոր Գեղամ Մանուկյանն ընդհատեց. «Բայց արձանագրենք, որ Արցախն ուրացողը դավաճան է»:
Ռուբինյանն արձագանքեց. «Միանում եմ Ձեր արձանագրմանը, պարո՛ն Մանուկյան»:
Ի պատասխան՝ ընդդիմադիր պատգամավորները ծափահարեցին:
«Ինչ-որ մեկը տեղից ասաց՝ վիրավորական բառերի ցանկ կա՞: Եթե ես բառերի ցանկ ներկայացնեմ, վստահ եմ՝ դուք կասեք՝ ցենզուրայի եք ենթարկում: Եկեք փակենք այս թեման», ասաց Ռուբինյանը:
Մանրամասները՝ տեսանյութում:
