25.03.2026 | 11:46
Վահագն Խաչատուրյանը մասնակցել է «Փրայմ Ինշուրնս Բրոքերս» ընկերության հանդիսավոր միջոցառմանը
ԱԺ-ն 1 րոպե լռությամբ հարգեց Հոկտեմբերի 27-ի զոհերի հիշատակը․ ՏԵՍԱՆՅՈՒԹ
Տեսանյութեր
27.10.2021 | 10:18
Ուղիղ 22 տարի առաջ այս դահլիճում կառավարության հետ հարցուպատասխանի ժամանակ տեղի ունեցավ Հոկտեմբերի 27-ի ոճրագործությունը. Առաջարկում եմ մեկ րոպե լռությամբ հարգել զոհերի հիշատակը: Այս մասին, այսօր՝ հոկտեմբերի 27-ին, ԱԺ նիստի սկզբում հայտարարեց նիստը վարող ԱԺ փոխխոսնակ Ռուբեն Ռուբինյանը:
Ներկաները ոտքի կանգնեցին և լռությամբ հարգեցին զոհերի հիշատակը:
Այնուհետև խորհրդարանն անցավ նախօրեին քննարկված նախագծերի քվեարկությանը:
Հիշեցնենք, որ 1999թ. հոկտեմբերի 27-ին, ոճրագործների խումբը` Նաիրի Հունանյանի գլխավորությամբ, ներխուժեց Հայաստանի Ազգային ժողովի նիստերի դահլիճ և դիմահար կրակոցներով սպանեց կառավարության և խորհրդարանի անդամներին:
Այս ահաբեկչությանը զոհ է գնացել 8 պետական գործիչ` ՀՀ վարչապետ Վազգեն Սարգսյանը, ԱԺ նախագահ Կարեն Դեմիրճյանը, փոխխոսնակներ Յուրի Բախշյանն ու Ռուբեն Միրոյանը, Օպերատիվ հարցերի նախարար Լեոնարդ Պետրոսյանը, պատգամավորներ Արմենակ Արմենակյանը, Հենրիկ Աբրահամյանը և Միքայել Քոթանյանը:
