Ի՞նչ են պատմել ԱԱԾ գնդապետն ու ԳՇ գեներալը․ մանրամասներ ԱԺ-ի փակ նիստից․ ՏԵՍԱՆՅՈՒԹ

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Հետպատերազմական Հայաստանի զինված ուժերի գլխավոր շտաբի պետի տեղակալ Կամո Քոչունցն այսօր խորհրդարանում հրաժարվեց պատասխանել ադրբեջանական դիրքերի առաջխաղացմանը և պատերազմից մեկ տարի անց հայկական դիրքերի կահավորված չլինելու վերաբերյալ հարցերին: Գներալ-մայորը նախընտրեց ԱԺ-ում մի քանի պտույտ կատարել և խուսափել հարցերից։

Եթե ԳՇ պետի տեղակալը գոնե որևէ կերպ փորձում էր ակնարկել, որ սահմանին հանգիստ է, ապա ԱԱԾ սահմանապահ զորքերի հրամանատար Արման Մարալչյանն իրեն ուղղված հարցերին ի պատասխան՝ որևէ բառ չասաց:

Ի դեպ, ուշագրավ է, որ ԱԱԾ պաշտոնյային ԱԺ նիստերի դահլիճ ուղեկցեց, ապա ճանապարհեց ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը, իսկ Կամո Քոչունցն ԱԺ նիստերի դահլիճի մուտքն ու ելքը գտավ մեծ դժվարությամբ:

Պաշտպանական գերատեսչությունների ներկայացուցիչները խորհրդարան էին ներկայացել ընդդիմության՝ մի քանի շաբաթ շարունակվող փակ նիստ հրավիրելու հորդորներից հետո: Ընդդիմադիրները, սակայն, պահանջում էին հանդիպում պատասխանատու կառույցների ղեկավարների, ոչ թե նրանց տեղակալների հետ:

Ինչ է կատարվում հայ-ադրբեջանական շփման գծում 44-օրյա պատերազմից մեկ տարի անց․ Զինված ուժերի գլխավոր շտաբի պետի տեղակալ Կամո Քոչունցի ու ԱԱԾ սահմանապահ զորքերի հրամանատար Արման Մարալչյանի պատասխաններն ընդդիմադիր պատգամավորներին չէին բավարարում: Այսօր ԱԺ նիստի մեկնարկին նախապես որոշվեց, որ անկաշկանդ շփման նպատակով սահմաններին առնչվող հրատապ հարցը կքննարկվի փակ ռեժիմով:

Փակ նիստից կես ժամ չանցած, սակայն, «Պատիվ ունեմ» խմբակցության պատգամավոր Թագուհի Թովմասյանը լքեց նիստերի դահլիճը: Արտակ Դավթյանի և Արմեն Աբազյանի գլխավորած կառույցների ներկայացուցիչները սահմանային իրավիճակի հետ կապված որևէ տեղեկություն չեն տրամադրում, լրագրողների հետ ճեպազրույցում հայտարարեց ընդդիմադիր պատգամավորը:

Պատգամավորներն ու պաշտպանական գերատեսչությունների ղեկավարները չդեմարկացված և չդելիմիտացված սահմանների խնդիրները քննարկեցին շուրջ երկու ժամ: Նիստի ավարտից հետո «Հայաստան» խմբակցության ղեկավար Սեյրան Օհանյանը հայտարարեց՝ իրենց հարցերն անպատասխան են մնացել:

Օհանյանի փոխանցմամբ՝ փակ նիստին քննարկել են նաև 2020 նոյեմբերի 9-ին Փաշինյանի, Պուտինի և Ալիևի ստորագրած հայտարարության այն կետը, որ կողմերը պետք է մնան այն կետում, որտեղ գտնվել են մարտական գործողությունները դադարեցնելու պահին: Օհանյանի պնդմամբ՝ Սյունիքի և Գեղարքունիքի հատվածներում հայկական զորքերը հետ են եկել:

Միակ տեղեկությունը, որ ուղիղ հայտարարվեց փակ նիստից, այն է, որ ԱԱԾ սահմանապահ զորքերի հրամանատարը և ԳՇ պետի տեղակալը հաստատել են՝ ռուս սահմանապահները հեռացել են Կապանի Փայլասարից: Արդյունքում, Ադրբեջանը տարածքային առավելություն է ստացել, բայց դիրքային փոփոխություններ չեն եղել:

Ընդդիմադիր պատգամավորներին գործադիր իշխանությունների ներկայացվածությունն ու պատասխանները չեն բավարարել: Նրանք շարունակում են պահանջել հանդիպում ոլորտի առաջին դեմքերի, ինչպես նաև վարչապետի հետ: Իշխանական պատգամավորները նիստից մանրամասներ հրաժարվեցին հայտնել՝ նշելով, որ փակ նիստ է եղել:

Մանրամասները՝ տեսանյութում։

Նարեկ Կիրակոսյան