Քաղաքականություն
26.10.2021 | 18:39
Արցախի գրավյալ Կովսականում (Զանգիլան) Ադրբեջանի նախագահ Իլհամ Ալիևն ու Թուրքիայի նախագահ Ռեջեփ Թայիփ Էրդողանը մասնակցել են գյուղատնտեսական ագրոպարկի հիմնարկեքի, գրում են ադրբեջանական լրատվամիջոցները։
Նշենք, որ «Dost Aqropark»-ը կառուցվելու է Թուրքիայի աջակցությամբ։ Ալիևն ու Էրդողանը նաև տարածքում ծառեր են տնկել։
Բացի այդ, այստեղ տեղի է ունեցել Էրդողանի դիմավորման պաշտոնական արարողությունը։ Հնչել են երկու երկրների օրհներգերը, Թուրքիայի նախագահին ողջունել է պատվո պահակախումբը։
Ալիևն ու Էրդողանը նաև ծանոթացել են Արցախի գրավյալ Աղաձոր գյուղում «Խելացի գյուղ» ծրագրի շրջանակում իրականացվող աշխատանքներին։
Էմմա Չոբանյան
