18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Քաղաքացիները մանդատ են տվել Հայաստանը ապաշրջափակելու, սահմանազատելու համար․Մ․ Կարապետյան. ՏԵՍԱՆՅՈՒԹ
Քաղաքականություն
26.10.2021 | 18:14
Մեր ընդիմադիր գործընկերներից մեկը՝ «Հայաստան» դաշինքից, այսօր հաստատեց, որ սահմանազատումը և սահմանագծումը կարևոր են, և իրենց նախընտրական ծրագրում արձանագրել են, որ ապաշրջափակում պետք է իրականացնել: Այս մասին այսօր ԱԺ հայտարարությունների ժամին նշեց «Քաղաքացիական պայմանագիր» խմբակցության պատգամավոր Մարիա Կարապետյանը:
«Այսինքն՝ իրենք էլ են ասում, որ այս օրակարգերը բխում են Հայաստանի Հանրապետության շահերից, պարզապես վիճարկում են, թե ովքեր պետք է բանակցեն և առաջնորդեն այդ գործընթացները։
Ես ուզում եմ ընդդիմադիրներին հիշեցնել, որ ո՛չ ես, ո՛չ էլ իրենք անհատապես չեն կայացնում այդ մասին որոշումը, այդ որոշումը կայացնում են ՀՀ քաղաքացիները, և արդեն կայացրել են՝ ընտրությունների միջոցով տալով մանդատ Հայաստանի Հանրապետությունը ապաշրջափակելու և ՀՀ սահմաններն ամբողջությամբ սահմանազատելու և սահմանագծելու համար։ Պետք է հաշտվել Սահմանադրության և ընտրությունների արդյունքների հետ՝ գոնե ընտրություններից ամիսներ անց»,- նշեց Կարապետյանը:
Մանրամասները՝ տեսանյութում:
