18.01.2026 | 16:17
Կյանքից հեռացել է ճարտարապետության դոկտոր, պրոֆեսոր Մուրադ Հասրաթյանը
Անտոնիո Գուտերեշն առաջարկել է զարգացող երկրներին տարեկան 100 միլիարդ դոլար հատկացնել
Քաղաքականություն
26.10.2021 | 21:18
ՄԱԿ-ի գլխավոր քարտուղար Անտոնիո Գուտերեշն առաջարկել է զարգացող երկրներին տարեկան 100 միլիարդ դոլար հատկացնել՝ կլիմայի փոփոխությունը կանխելուն ուղղված միջոցառումներ ձեռնարկելու համար։ Այս մասին նա հայտարարել է այսօր կայացած ասուլիսի ժամանակ, փոխանցում է ՏԱՍՍ-ը։
«Մեր կլիմայական նպատակներին հասնելու համար պետք է տարեկան 100 միլիարդ դոլար տրամադրենք աշխարհի զարգացող երկրներին՝ կլիմայական խնդիրները ֆինանսավորելու համար»,- ասել է նա։
Գուտերեշը նաև նշել է, որ անհրաժեշտ է ամբողջությամբ հրաժարվել ածուխով աշխատող էլեկտրակայաններից՝ ոչ ուշ, քան մինչև 2040 թվականը, և վերջ դնել հանածո վառելիքի, ինչպես նաև օդն աղտոտող արդյունաբերության արդյունահանման սուբսիդավորումը:
Նոյեմբերի 1-ին բրիտանական Գլազգոյում կմեկնարկի երկշաբաթյա COP-26 կլիմայական համաժողովը: Այն պետք է տեղի ունենար անցյալ տարի, սակայն ժամկետները մեկ տարով փոխվեցին COVID-19-ի համաճարակի պատճառով։ Համաժողովի աշխատանքներին մասնակցելու համար Գլազգո կժամանի մոտ 20 հազար մարդ, այդ թվում՝ ավելի քան 120 երկրների ու կառավարությունների ղեկավարներ։ Սպասվում է, որ այն կքննարկի ջերմոցային գազերի արտանետումների դեմ պայքարում երկրների պարտավորությունների ավելացման հարցը։
Տաթև Ֆռանգյան
