22.04.2026 | 23:30
ՀՀ տարածքում ավտոճանապարհները հիմնականում անցանելի են
Ռազմական բյուջեի 11%-ով աճը բավականին ցածր տեմպ է․ Տիգրան Աբրահամյան. ՏԵՍԱՆՅՈՒԹ
Քաղաքականություն
26.10.2021 | 17:19
Հետպատերազմական ժամանակահատվածում ռազմական բյուջեի 11 տոկոս աճը բավականին ցածր տեմպ է։ ԱԺ–ում հայտարարությունների ժամին այս կարծիքը հայտնեց «Պատիվ ունեմ» խմբակցության անդամ Տիգրան Աբրահամյանը։
Նշենք, որ երեկ ՀՀ վարչապետ Նիկոլ Փաշինյանը, ներկայացնելով 2022-ի բյուջեն, հայտնել էր, որ 2021-ի համեմատ ռազմական բյուջեն 11 տոկոսով կաճի ` կազմելով 345 մլրդ դրամ։
«11 տոկոսը բավականին ցածր տեմպ է` անվտանգության համակարգի վերականգնման, վերակազմավորման և ռեֆորմներ իրականացնելու համար։ Անհասկանալի է նաև ԶՈւ բարեփոխումների հարցով կառավարության դանդաղկոտությունը»,- նշեց Աբրահամյանը։
Նրա խոսքով` պետք է հաշվի առնել, որ ռազմական բյուջեի մի մեծ հատված գնում է գնումների գործընթացին, իսկ երկրում տարբեր ծառայությունների և ապրանքների գներն անկանխատեսելի տեմպերով աճում են։ Աբրահամյանը նշեց` ըստ էության` ռազմական բյուջեի պլանավորված աճի մի զգալի մաս ուղղվելու է գնաճային խնդիրների չեզոքացմանը, այլ ոչ թե որակական փոփոխությանը։
Մանրամասները՝ տեսանյութում:
