30.07.2026 | 00:02
Որպես անհետ կորած որոնվում է 2012թ. ծնված Վահե Ապիկյանը
Թագուհի Թովմասյանը փակ նիստից մանրամասներ է ներկայացնում. ՏԵՍԱՆՅՈՒԹ
Քաղաքականություն
26.10.2021 | 15:16
ԱԺ-ում ընթանում է շփման գծում տիրող իրավիճակին, սահմանազատման խնդիրներին առնչվող թեմայով հրատապ փակ նիստ, որը նախաձեռնել են ընդդիմադիր պատգամավորները: Հրավիրված են ՀՀ ԶՈՒ ԳՇ պետի առաջին տեղակալ Կամո Քոչունցը և ՀՀ ԱԱԾ սահմանապահ զորքերի հրամանատար Արման Մարալչյանը:
«Ես խորը հիասթափված եմ և դուրս եկա քննարկումից, որովհետև չեմ ցանկանում շարունակել լսել այս խեղկատակությունը»,- այս մասին լրագրողների հետ զրույցում նշեց «Պատիվ ունեմ»խմբակցության պատգամավոր Թագուհի Թովմասյանը, ով քիչ առաջ դուրս եկավ քննարկումից:
«Որևէ հարցի ըստ էության պատասխան չի տրվում, ինչ հարցնում ենք, ասում են՝ պետական գաղտնիք է։ Նույնիսկ սահմանի երկայնքի չափը չի ասվում, ասում են՝ պետական գաղտնիք։ Սա ուղղակի արհամարհանք է խորհրդարանի նկատմամբ։ Ես պարզ հարցեր եմ հնչեցրել՝ ինչո՞ւ պատերազմից հետո կահավորված չեն Հայաստանի սահմանները, ի՞նչն էր մեզ խանգարում։ Երկրորդ հարց՝ ինչո՞ւ ՀՀ պետական սահմանը կարողացավ հատել ադրբեջանական զինուժն այն պայմաններում, երբ մենք պետք է ունենայինք դիմադրություն, առնվազն սահմանների պաշտպանություն։ Ինչո՞ւ է հովիվը դիմավորել ադրբեջանական զինուժին։ Ես իմ այս երկու հարցն ուղղեցի Կամո Քոչունցին, պատասխանը չստացա և դուրս եկա։
Այն վարքագիծը, որը նա դրսևորում է՝ ամեն ինչից կիսատեղյակ, կամ ձևանում է և խուսափում է կոնկրետ հարցերի կոնկրետ պատասխան տալուց։ Սա ուղղակի անիմաստ քննարկում է։ Փաստացի դեմարկացիա է տեղի ունեցել սահմանին, Գորիս-Կապան ճանապարհին ադրբեջանցիները եկան, իրենք հենակետը դրեցին, հաստատվեցին։ Ինչի՞ հիման վրա է տեղի ունեցել դեմարկացիան, այս մարդը չի պատասխանում»,- նշեց Թովմասյանը։
«Սա իշխանության հստակ տեսակետն է՝ որևէ հարցի կոնկրետ պատասխան չտալ»,- ընդգծեց պատգամավորը:
Մանրամասները՝ տեսանյութում:
