Քաղաքականություն
26.10.2021 | 16:27
Ռուսաստանում կորոնավիրուսից մահացության օրական ցուցանիշը թարմացրել է առավելագույնը և առաջին անգամ գերազանցել է 1,100-ը։ Միևնույն ժամանակ, COVID-19-ով վարակման նոր դեպքերի թիվը մի փոքր նվազել է նախորդ օրը գրանցված առավելագույնից հետո, գրում է BBC-ի ռուսական ծառայությունը։
Կորոնավիրուսից մահվան դեպքերի թիվն ութերորդ օրն անընդմեջ գերազանցում է 1000-ը։ Նախորդ օրը պաշտոնական զեկույցում ներառվել է COVID-19-ով վարակվածների շրջանում գրանցված 1069 մահ, իսկ կիրակի՝ 1072։
Մահացածների ամենամեծ թիվը գրանցվել է Մոսկվայում՝ 86 մարդ (նախորդ օրը՝ 83), 72 մարդ մահացել է Սանկտ Պետերբուրգում, Կրասնոդարի երկրամասում՝ 40 մարդ։ Հունիսի վերջին Մոսկվայում գրանցվել է ավելի քան 120 մահվան դեպք։ Մոտավորապես մահացության նման թիվ է գրանցվել նաև Սանկտ Պետերբուրգում։
Երկրում մահացությունների ընդհանուր թիվը, ըստ օպերատիվ շտաբի, հասել է 232,775-ի։ Ռոսստատն ավելի վաղ հայտարարել էր, որ ավելի քան 400 հազար ռուսաստանցիներ, որոնք վարակվել են կորոնավիրուսով, մահացել են համաճարակի ժամանակ։
Տաթև Ֆռանգյան
