13.05.2026 | 22:27
Հայտնի է Հայաստանի Գավաթի եզրափակիչը սպասարկող մրցավարական անձնակազմը
Էրդողանի օդանավը վայրէջք է կատարել Արցախի գրավյալ Վարանդայում․ Ադրբեջանի և Թուրքիայի նախագահները բացել են տեղի օդանավակայանը․ ԼՈՒՍԱՆԿԱՐՆԵՐ
Քաղաքականություն
26.10.2021 | 14:12
Թուրքիայի նախագահ Ռեջեփ Թայիփ Էրդողանն աշխատանքային այցով ժամանել է Արցախի գրավյալ Վարանդա (Ֆիզուլի)։ Թուրքիայի նախագահի օդանավը վայրէջք է կատարել Վարանդայի նորակառույց օդանավակայանում, որտեղ Էրդողանին դիմավորել է Ադրբեջանի նախագահ Իլհամ Ալիևը։
Երկու երկրների նախագահները կտրել են կարմիր ժապավենն ու պաշտոնապես բացել օդանավակայանը։ Նրանք նաև ծանոթացել են այնտեղ ստեղծված պայմաններին։
Էրդողանը, ի դեպ, բավական ներկայացուցչական կազմով է ժամանել․ նրան ուղեկցում են Թուրքիայի պաշտպանության նախարար Հուլուսի Աքարը, արտաքին գործերի նախարար Մևլութ Չավուշօղլուն, շրջակա միջավայրի և քաղաքաշինության նախարար Մուրատ Քուրումը, տրասպորտի և ենթակառուցվածքների նախարար Ադիլ Քարաիսմաիլօղլուն։
Հավելենք, որ Արցախի գրավյալ Կովսականում Ալիևն ու Էրդողանը մասնակցելու են «Խելացի ագրոպարկի» հիմնարկեքին, որը կառուցվելու է Թուրքիայի աջակցությամբ։ Այցի ընթացքում քննարկվելու են Թուրքիայի և Ադրբեջանի միջև երկկողմ հարաբերությունների բոլոր ասպետկտներն ու դիտարկվելու են համագործակցությունը խորացնելուն ուղղված քայլերը։ Կողմերը նաև կարծիքներ են փոխանակելու տարածաշրջանային և միջազգային ընթացիկ հարցերի շուրջ։
Էմմա Չոբանյան
