22.04.2026 | 22:47
Լիբանանում «Հըզբոլլահ»-ի հարձակման հետևանքով երկրորդ ֆրանսիացի խաղաղապահն է զոհվել
Ինչ է կատարվում ԱԺ դահլիճում ԱԱԾ-ականներին հրավիրելուց հետո. ՏԵՍԱՆՅՈՒԹ
Քաղաքականություն
26.10.2021 | 13:23
ԱԱԾ աշխատակիցներին ԱԺ դահլիճ հրավիրելուց հետո ԱԺ փոխնախագահ Ռուբեն Ռուբինյանը 20 րոպե ընդմիջում հայտարարեց :
Նշենք, որ քիչ առաջ ԱԺ ամբիոնից «Հայաստան» խմբակցության պատգամավոր Գեղամ Մանուկյանը՝ հայտարարեց. «Սրիկայությունը շատ օրինակներով կարելի է ասել, բայց Արցախը ուրացողը դավաճան է. Արցախի ուրացումը դավաճանություն է»: Պատգամավորը հավելեց, որ քիչ առաջ ելույթ ունեցողը լրատվամիջոցների առաջ ուրացել է Արցախը:
Նիստը վարող ԱԺ փոխնախագահ Ռուբեն Ռուբինյանն ընդհատեց՝ նշելով. «Այստեղ կան էթիկայի կանոններ, չխախտե՛ք: Դուք ինչ-որ մեկին քիչ առաջ մեղադրում էիք Արցախը ուրանալու մեջ, անո՛ւն տվեք, պարո՛ն Մանուկյան»:
«Ես հիմա բառացի կբերեմ Վիգեն Խաչատրյանի խոսքը, դրանից հետո պարզ կդառնա՝ով է»,- նշեց Մանուկյանը: «Այսինքն՝ Դուք Վիգեն Խաչատրյանին դավաճա՞ն եք համարում»,- նշեց Ռուբինյանը և հրահանգեց անջատել Գեղամ Մանուկյանի խոսափողը:
Ռուբինյանը հորդորեց, որ Մանուկյանը զբաղեցնի իր տեղը, ընդդիմադիր պատգամավորը հրաժարվեց և շարունակեց խոսել:
ԱԺ փոխնախագահը դահլիճ հրավիրեց Ազգային անվտանգության աշխատակիցներին՝ ԱԺ ամբիոնի մոտից հեռացնելու Մանուկյանին:
ԱԺ դահլիճում իրարանցում սկսվեց:
Մանրամասները՝ տեսանյութում:
