19.11.2024 | 20:12
Ռազմական սպորտի միջազգային խորհրդի ղեկավար կազմը այցելել է Հայոց ցեղասպանության զոհերի հուշահամալիր
Տեսանյութի ու իրականության միջև հակասություն կա․ փոխոստիկանապետը՝ հայտնի տեսանյութի մասին. ՏԵՍԱՆՅՈՒԹ
Քաղաքականություն
26.10.2021 | 13:20
«Երեխաների աչքի առաջ բռնի ուժով տղամարդուն բերման ենթարկելու տեսանյութում ցուցադրվածն իրականությանն այնքան էլ չի համապատասխանում»,- այս մասին ԱԺ նիստում հայտարարեց ՀՀ փոխոստիկանապետ Արա Ֆիդանյանը` ի պատասխան ԱԺ «Հայաստան» խմբակցության պատգամավոր Թագուհի Թովմասյանի հարցի, թե ինչպե՞ս կբացատրի ոստիկանների գործողությունները։
«Ոստիկանության գործողությունները, այդ թվում բերման ենթարկելը, իրենց մեջ ներառում են որոշակի հարկադրանքի քայլեր ևս։ Տեսանյութի (որտեղ երևում են երեխաները) և իրականության միջև էական հակասություններ կան»,- ասաց Ֆիդանյանը։
Նա նշեց, թե խոսում են միայն ոստիկանների գործողությունների մասին, և ինչո՞ւ որևէ մեկը չի հարցնում` քաղաքացին ինչո՞ւ չի ենթարկվում ոստիկանների պահանջին։ Ֆիդանյանը վստահեցրեց` որևէ մեկին ոստիկանությունը բերման չի ենթարկում, եթե տվյալ անձը կամավոր է ներկայանում կամ էլ չի դիմադրում։
Ֆիդանյանը հավելեց, որ ոստիկանների գործողությունների առնչությամբ ծառայողական քննություն էր սկսվել, որն այժմ ընդհատվել է, քանի որ քրեական գործ է հարուցվել տղամարդու հետ կապված դեպքի առնչությամբ։
Հիշեցնենք, որ հոկտեմբերի 13-ից սոցցանցերի հայկական տիրույթում օգտատերերերը մի տեսանյութ են տարածում, որում երևում է, թե ինչպես են ոստիկանները Երևանի Կուրղինյան 3/15 հասցեում 3 մանկահասակ երեխաների ներկայությամբ քաղաքացի Վազգեն Ռաֆայելյանին` երեխաների հորը, բռնի ուժով բերման ենթարկում։
Մանրամասները՝ տեսանյութում:
