23.08.2026 | 12:20
Նաիր Թիկնիզյանը նորամուտն է նշել «Օլիմպիակոսում»
Բաքուն և Անկարան քննարկել են ռազմական կրթության ոլորտում համագործակցության հարցեր
Քաղաքականություն
25.10.2021 | 23:16
Ադրբեջանի պաշտպանության նախարար Զաքիր Հասանովը անհրաժեշտ է համարում ռազմական կրթության ոլորտում Թուրքիայի հետ համագործակցության հետագա զարգացումը, գրում են ադրբեջանական լրատվամիջոցները։ Այս մասին Հասանովն ասել է Թուրքիայի ազգային պաշտպանության համալսարանի ռեկտոր Էրհան Աֆոնջուի հետ հանդիպմանը։
«Հասանովը նշել է Ադրբեջանի նախագահ Իլհամ Ալիևի հրամանին համապատասխան Թուրքիայի ԶՈՒ-ի մոդելն ադրբեջանական բանակում կիրառելու անհրաժեշտության, ինչպես նաև ռազմական կրթության ոլորտում Թուրքիայի ազգային պաշտպանության համալսարանի հետ փորձի փոխանակման մասին»,- ասվում է Ադրբեջանի ՊՆ հայտարարության մեջ։
Հանդիպմանը նաև մտքեր են փոխանակվել ռազմաուսումնական և փոխադարձ հետաքրքրություն ներկայացնող այլ հարցերի շուրջ։
Էմմա Չոբանյան
