16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Էրդողանը ողջունում է․ Թուրքիայում ԱՄՆ-ի և արևմտյան մյուս երկրների դեսպանատները նոր հայտարարություն են տարածել
Քաղաքականություն
25.10.2021 | 20:27
Թուրքիայում ԱՄՆ-ի, Կանադայի ու արևմտյան այլ երկրների դեսպանատները նոր հայտարարություն են տարածել, որում հայտնում են՝ մտադիր են հարգել ընդունող պետության օրենքներն ու կանոնակարգերը և չխառնվել այդ երկրին ներքին գործերին։ Այս մասին գրում է ՏԱՍՍ գործակալությունը։
Այս նոր հայտարարությունները հետևել են Թուրքիայի նախագահ Ռեջեփ Թայիփ Էրդողանի՝ արևմտյան 10 երկրներին դեսպաններին «անցանկալի անձ» հայտարարելու մասին երկրի ԱԳՆ-ին տրված հանձնարարականին։
«ԱՄՆ-ն հավատարիմ է մնում դիվագիտական հարաբերությունների մասին Վիեննայի կոնվենցիայի 41-րդ հոդվածին»,- ասվում Թուրքիայում ԱՄՆ դեսպանատան թվիթերյան գրառման մեջ։ Նման հայտարարություն են տարածել նաև Արևմտյան այն երկրների դեսպանատները, որոնց դիվանագետներին Էրդողանը ցանկանում է արտաքսել։
Թուրքական «Անադոլու» գործակալությունն էլ, նախագահի աշխատակազմում իր աղբյուներին վկայակոչելով, հայտնում է, որ Էրդողանը ողջունում է դեսպանատների հայտարարությունը։
«Նախագահ Էրդողանը դրական է ընդունել ԱՄՆ-ի և այլ դիվանագիտական ներկայացուցչությունների հայտարարությունը»,- լրատվամիջոցին հայտնել են աշխատակազմից։
Նշենք, որ Էրդողանը ԱԳՆ-ին հանձնարարել էր երկրից վտարել ու «անցանկալի անձ» ճանաչել ԱՄՆ-ի ու արևմտյան այլ երկրների դեսպաններին այն բանից հետո, երբ նրանք միասնական հայտարարություն էին տարածել ակտիվիստ Օսման Քավալային ազատ արձակելու կոչով։ Խոսքն ԱՄՆ-ի, Գերմանիայի, Դանիայի, Ֆինլանդիայի, Ֆրանսիայի, Նիդերլանդների, Շվեդիայի, Կանադայի, Նորվեգիայի, Նոր Զելանդիայի դեսպանատների մասին է։
Օսման Քավալան հայտնի բարերար, իրավապաշտպան է, որին Թուրքիայի իշխանությունները մեղադրում են 2016 թվականին ռազմական հեղաշրջման փորձին մասնակցելու մեջ։
Էմմա Չոբանյան
