27.11.2024 | 14:22
Փաշինյանի իշխանության օրոք «պադավատների» թիվն ավելացել է՝ ի հեճուկս Փաշինյանի պնդումների
Apple-ը սպառնացել է հեռացնել Facebook-ն ու Instagram-ը App Store-ից՝ մարդկանց թրաֆիքինգի պատճառով
Քաղաքականություն
25.10.2021 | 21:08
Երկու տարի առաջ Apple-ը սպառնացել է հեռացնել Facebook-ն ու Instagram-ը App Store-ից՝ մարդկանց թրաֆիքինգի պատճառով, այն բանից հետո, երբ տեղեկություններ են հայտնվել «առցանց ստրուկների շուկայում» Մերձավոր Արևելքում աղքատ ասիացի և աֆրիկացի ծառաների առևտրի ու վաճառքի մասին, գրում է Daily Mail-ը։
Դրամատիկ սպառնալիքը բացահայտվել է Facebook-ի աշխատակից Ֆրենսիս Հաուգենի կողմից հրապարակված ներքին փաստաթղթերից, որտեղ մանրամասն նկարագրված է, թե ինչպես է Facebook-ն ու Instagram-ն օգտագործվել՝ խոցելի կանանց որպես կենդանի օգնական վարձելու հարցում:
Համաձայն զեկույցի և Facebook-ի ներքին փաստաթղթերի՝ տնային աշխատողները կենտրոնացած են Սաուդյան Արաբիայում, Եգիպտոսում ու Քուվեյթում և գալիս են Հարավային Ասիայի ավելի աղքատ երկրներից, հիմնականում Ֆիլիպիններից, ինչպես նաև Աֆրիկայից:
Apple-ը հետ է կանգնել իր մտադրությունից այն բանից հետո, երբ Facebook-ն անջատել է կանանց գովազդող մոտ 1000 էջեր։
Տեղեկացվում է, որ Facebook-ը խնդրի մասին տեղյակ է եղել դեռևս Apple-ի սպառնալիքից մեկ տարի առաջ, նույնիսկ ծածկանուն է ունեցել՝ «HEx» կամ «մարդկանց շահագործում»։
Տաթև Ֆռանգյան
