Ո՞ր Փաշինյանն է ավելի ազնիվ. նախկի՞ն, թե՞ ներկա. Թովմասյանը՝ տարածքներ նվաճել-չնվաճելու մասին․ ՏԵՍԱՆՅՈՒԹ

«Հետևողականորեն շարժվելու ենք պրոֆեսիոնալ բանակ ստեղծելու ուղղությամբ։ Հայաստանի Հանրապետությունը զինված ուժերը զարգացնելու ենք ոչ թե ագրեսիայի, այլ ագրեսիայից պաշտպավելու համար։ Հայաստանը տարածքներ նվաճելու մտադրություն չունի»,- «ՀՀ 2022 թվականի պետական բյուջեի մասին» օրենքի նախագծի քննարկման ժամանակ այս մասին այսօր հայտարարեց  ՀՀ վարչապետ Նիկոլ Փաշինյանը:

Այս հատրարության վերաբերյալ հնչում են քննադատություններ: Factor.am-ի հետ թեմայի շուրջ զրույցում «Պատիվ ունեմ» խմբակցության պատգամավոր Թագուհի Թովասյանը նշեց. «Ես ուզում եմ Նիկոլ Փաշինյանին հակադարձել իր իսկ խոսքերով: Կհիշեք՝ պաշտպանության նախկին նախարար Դավիթ Տոնոյանը հայտարարեց. «Նոր պատերզմ. նոր տարածքներ», այդ ժամանակ իշխանության շատ պատգամավորներ ու գործիչներ հայտարարում էին, որ պաշտպանության նախարարը այլ բան չի կարող հայտարարել,  քան նոր տարածքների նվաճման նպատակադրման մասին, և դա բնական է, որովհետև ցանկացած երկիր իր առաջ հզորանալու խնդիր է դնում:

Իսկ այսօր մենք գործ ունենք հակառակ պատկերի հետ. Նիկոլ Փաշինյանը հայտարարում է, որ նպատակ չկա հզորանալու և նոր տարածքներ նվաճելու: Ես ուզում եմ հասկանալ՝ ո՞ր Նիկոլ Փաշինյանն է ավելի ազնիվ իր խոսքերում, այն Նիկոլ Փաշինյանը, որ ասում էր՝ պաշտպանության նախարարը չի կարող այլ բան հայտարարել, քան տարածքներ նվաճելու մասին, թե՞ այն Նիկոլ Փաշինյանը, որ այսօր խելոք նստած ասում է՝ մենք նոր տարածքներ նվաճելու մտադրություն չունենք: Կարծում եմ՝ անձի երկվության խնդիր ունենք, սա պետք է հստակ արձանագրենք և իշխանությունից անկեղծություն պահանջենք՝ ո՞ր Նիկոլ Փաշինյանին հավատանք»:

Մանրամասները՝ տեսանյութում: