Թուրքիա-Արևմուտք հարաբերությունների լարվածության ֆոնին թուրքական լիրան արժեզրկման նոր ռեկորդ է սահմանել

Թուրքական լիրան այսօր արժեզրկման նոր՝ ամենցածր մակարդակին է հասել, քանի որ Անկարայի ու Արևմուտքի միջև լարվածությունն ուղեկցվում է ոչ ավանդական դրամավարկային քաղաքականությամբ ու գնաճով, գրում է Reuters գործակալությունը։

Լիրան արժեզրկվել է ավելի քան 2 տոկոսով՝ մոտենալով 1 դոլարի նկատմամբ 10-ի․ նման փոխարժեք երբեք չէր եղել։ Նշվում է, որ սա տեղի է ունեցել նախագահ Ռեջեփ Թայիփ Էրդողանի՝ ակտիվիստ Օսման Քավալային ազատ արձակելու համատեղ պահաջից հետո ԱՄՆ-ի ու ևս 9-ը արևմտյան երկրների դեսպաններին արտաքսելու հրամանից հետո։

Թուրքիայի լարված հարաբերութունները ՆԱՏՕ-ի դաշնակիցների հետ Քավալայի գործի շուրջ տեղի են ունենում կառավարության կողմից դրամավարկային քաղաքականությանը միջամտելու մտահոգությունների աճի ֆոնին։ Լիրայի համար 2021 թվականին կորուստները հասել են 24 տոկոսի, ինչն ամենավատ ցուցանիշն է զարգացող երկրների շուկայում։

«Եթե քաղաքական գործիչներն օտարերկրացիներին դարձնում են «բուգիմեն», ավելի հեշտ է վաճառել ճնշումը, որը ստեղծվել է թույլ լիրայի կողմից՝ որպես քաղաքական ինքնավարության համար վճարվող գին։ Դա նաև նշանակում է, որ դրամավարկային քաղաքականության շրջադարձը հիմա թվում է ավելի քիչ հավանական։ Եվ դա վատ նորություն է լիրայի համար»,- ասել է Commerzbank-ի արտարժույթի և ապրանքային հետազոտությունների բաժնի ղեկավար Ուլրիխ Լյոխտմանը:

Թուրքիայի պետական վարկատուներ Ziraat Bank-ը, Vakifbank-ը և Halkbank-ը նվազեցրել են իրենց տոկոսադրույքները 200 բազային կետով։ Այս մասին ասվում է այսօր տարածված համատեղ հայտարարության մեջ։

Էմմա Չոբանյան