20.08.2026 | 23:01
«Նոան» նոր գլխավոր մարզիչ ունի
Դեմարկացիան ու դելիմիտացիան առաջինը պետք են ՀՀ-ին, դա ավելի անվտանգ է դարձնելու մեր սահմանները, ինչը մենք այսօր չունենք. Արսեն Թորոսյան․ ՏԵՍԱՆՅՈՒԹ
Քաղաքականություն
25.10.2021 | 16:29
«Ես նման տեղեկատվություն չունեմ: Խորհուրդ եմ տալիս տուրք չտալ անհայտ աղբյուրներից արտահոսքերին և հետևել պաշտոնական լրահոսին»,- այս մասին Factor.am-ի հետ զրույցում նշեց «Քաղաքացիական պայմանագիր» խմբակցության պատգամավոր Արսեն Թորոսյանը՝ անդրադառնալով մամուլում շրջանառվող տեղեկություններին, թե նոյեմբերի 9-ին՝ 44-օրյա պատերազմի դադարեցումից մեկ տարի անց Հայաստանը և Ադրբեջանը Մոսկվայում նոր փաստաթուղթ են ստորագրելու, որով Հայաստանն ու Ադրբեջանը ճանաչելու են միմյանց տարածքային ամբողջականությունը, տրվելու է սահմանազատման և սահմանագծման աշխատանքների մեկնարկը:
«Բոլորին հայտնի է, որ կոմունիկացիաների բացման նպատակով հայ-ադրբեջանա-ռուսական եռակողմ ֆորմատ կա, որն աշխատանքներ է իրականացնում, նպատակը վերջում ինչ-որ արդյունքի հասնելն է:
Դեմարկացիայի ու դելիմիտացիայի մասին բազմիցս հայտարարել է վարչապետը, մենք էլ ենք հայտարարել, որ դեմարկացիան ու դելիմիտացիան առաջինը պետք են ՀՀ-ին, դա ավելի անվտանգ է դարձնելու մեր սահմանները, ինչը մենք այսօր չունենք»,- նշեց Թորոսյանը՝ հավելելով, որ դա չպետք է ներկայացնել որպես թաքուն գործողություն, եթե դա ինչ-որ մի օր տեղի ունենա, սակայն այսօր դրա մասին խոսելը վաղ է:
Մանրամասները՝ տեսանյութում:
