Քաղաքականություն
25.10.2021 | 13:58
Ադրբեջանում մեկնարկել են պահեստազորի զինծառայողների հավաքները։ Տեղական լրատվամիջոցներին այս մասին հայտնել են Ադրբեջանի մոբիլիզացիայի ու զորակոչի պետական ծառայությունից։
««Զինվորական ծառայության ու զորակոչի» մասին օրենքի 45-րդ հոդվածի համաձայն՝ զինծառայողները, որոնք գտնվում են պահեստազորում, զորակոչվում են զորավարժությունների, զինվորական ստուգման ու հատուկ հավաքների։ Ներկայում պետական ծառայության կողմից իրականացվում է պահեստազորում գտնվող զինծառայողների զորակոչ՝ տարբեր մասնագիտություններով ռազմաուսումնական զորահավաքի համար»,- ասվում է պետական ծառայության հայտարարության մեջ։
Նշենք, որ պահեստազորի զինծառայողների հավաքների մասին նախօրեին տեղեկացրել էր Ադրբեջանի Պաշտպանության նախարարությունը։ Այն անցկացվում է ՊՆ-ի կողմից հաստատված 2021 թվականի նախապատրաստական պլանի համաձայն։ Զորահավաքը տևելու է մինչև նոյեմբերի 6-ը։
Էմմա Չոբանյան
