Քաղաքականություն
25.10.2021 | 13:23Ընդդիմությունը նոյեմբերի 9-ին ու 10-ին հանրահավաքներ հրավիրելու համար դեռևս 20 օր առաջ դիմել է քաղաքապետարան: Լրագրողների հետ հանդիպմանն այս մասին տեղեկացրեց «Հայաստան» խմբակցության քարտուղար Արծվիկ Մինասյանը։
Պատգամավորի խոսքով՝ իրենց խնդիրն է լինելու պատասխան պահանջել այս իշխանությունից, որ հասկանան՝ ինչ է կատարվում։ Նա չբացառեց, որ մինչև նոյեմբերի 9-նն էլ կարող են լինել հրատապ միջոցառումներ։
Ընդդիմադիր պատգամավորներն անդրադարձան նաև հարցին, թե արդյոք Սերժ Սարգսյանն ու Ռոբերտ Քոչարյանը դուրս կգա՞ն փողոցային պայքարի:
«Պատիվ ունեմ» խմբակցության քարտուղար Հայկ Մամիջանյանը նշեց, որ ՀՀ երրորդ նախագահ Սերժ Սարգսյանն իր ողջ գործիքակազմով փորձել ու փորձում է կանգնեցնել աղետը։
Արծվիկ Մինասյանը հավելեց, որ եթե պահանջվում է, որ այդ օրը բոլորը լինեն փողոցոմ, վստահ է՝ բոլորն էլ կլինեն։ «Ես համոզված եմ՝ Արցախն ազատագրած մարդկանց համար չի կարող կոմֆորտ զոնա լինել»,- ասաց Մինասյանը։
Մանրամասները՝ տեսանյութում:
