18.07.2026 | 15:28
RAF․ Արսեն Հարությունյանը և Արման Ծառուկյանը հանդիպել են առաջիկա մրցակիցներին․ ՏԵՍԱՆՅՈՒԹ
2022-ին գիտության ֆինանսավորումը ավելանում է 83 %-ով․ Փաշինյան․ ՏԵՍԱՆՅՈՒԹ
Տնտեսություն
25.10.2021 | 11:09
Մեր պետության հարատևությունն ապահովելու համար անհրաժեշտ են երկարաժամկետ ներդրումներ գիտության և կրթության բնագավառում, ինչը մեզ համար չափազանց կարևոր առաջնահերթություն է։ ԱԺ հանձնաժողովների նիստում 2022-ի պետբյուջեն ներկայացնելիս հայտարարեց ՀՀ վարչապետ Նիկոլ Փաշինյանը։
Վարչապետը հավելեց, որ 2022թ.-ին ԿԳՄՍ նախարարությանը հատկացվող գումարն աճելու է 27 %-ով։
«Այս պահի դրությամբ 76 դպրոց և 51 մանկապարտեզ արդեն գտնվում են կառուցման, վերակառուցման կամ հիմնանորոգման փուլում։ 2022թ.-ին միայն գիտության ուղղությամբ հատկացվելու է 83 %-ով ավելի գումար, իսկ գիտական թեմատիկ հետազոտությունների հատկացվող գումարը 2.5 անգամ ավել է՝ 6.7 մլրդ դրամ է:
Մեր նպատակն է անձի կրթությունը և շարունակական զարգացումը դարձնել կենսակերպ։ Վարչապետի խոսքով գիտության և տեխնոլոգիական ոլորտի զարգացումն այս գործընթացի տրամաբանական շարունակությունն է, և կառավարությունն այստեղ ներդրում է ֆինանսավորման նոր բանաձևեր»,- նշեց վարչապետը:
Փաշինյանի խոսքով՝ գումարների ավելացումը բոլոր ոլորտներում անհրաժեշտ, բայց ոչ բավարար պայման է։ Կառավարության ծրագրերը կյանքի կոչելու համար անհրաժեշտ են ոչ միան տնտեսական միջամտություններ, այլև հասարակական և մշակութային վերափոխումներ։
Մանրամասները՝ տեսանյութում:
