19.12.2025 | 12:45
Լավագույն հոդված՝ բնապահպանական թեմաներով․ Factor.am-ն արժանացել է մրցանակի
Երևան-Գյումրի ավտոճանապարհին կատարվում են անվտանգության բարելավման հավելյալ միջոցառումներ
Հասարակություն
24.10.2021 | 18:15
«Ճանապարհային դեպարտամենտ» ՊՈԱԿ-ից տեղեկացնում են, որ Երևան-Գյումրի ավտոճանապարհին կատարվում են անվտանգության բարելավման հավելյալ միջոցառումներ։
Մ-1, Երևան-Գյումրի ավտոճանապարհի 47-ից 60-րդ կիլոմետրի վրա վթարավտանգ երեք կետերում կատարվում են անվտանգության բարելավման հավելյալ միջոցառումներ։ Մասնավորապես, արդեն իսկ իրականացվել է հողային զանգվածի կուտակում Մ-1 ճանապարհի 51-րդ կմ-ի եզրային հատվածում։ 51-րդ կմ-ում այսօր կատարվում են տերմոպլաստե նյութով գծանշումներ, որոնց միջոցով ստեղծվում է աղմուկի հատուկ գոտի, ինչը կօգնի վթարավտանգ այդ հատվածում հնարավորինս կանխել ճանապարհատրանսպորտային պատահարները։
Կատարվում են երթևեկության անվտանգության բարելավման լրացուցիչ այլ միջոցառումներ ևս. պարապետների և արգելապատնեշների վրա թարմացվում են լուսանդրադարձիչները, տեղադրվում են լրացուցիչ ճանապարհային նշաններ և այլն։
Աշխատանքները տարվում են Ճանապարհային ոստիկանության հետ համագործակցաբար։
